काठमाडौँ, अष्ट्रेलियाको प्रतिष्ठित शैक्षिक संस्था भिक्टोरियन इन्स्टिच्युट अफ टेक्नोलोजी (VIT) का अन्तर्राष्ट्रिय विद्यार्थी भर्ती निर्देशक तथा नेपाली प्रतिनिधि बाबु खनालले काठमाडौँको अरण्य बुटिक होटल, नागपोखरीमा इच्छुक विद्यार्थीहरूलाई लक्षित गरी विशेष जानकारी सत्र सम्पन्न गरेका छन्।

बाबु खनाल स्वयं सन् २००६ मा नेपालबाट अष्ट्रेलिया अध्ययनको लागि गएका थिए र आफ्नो सङ्घर्षको यात्रालाई सफलता बनाउँदै अहिले VIT मा उच्च जिम्मेवारीमा कार्यरत छन्। उनले आफ्नो अनुभव सुनाउँदै उपस्थित विद्यार्थीहरूलाई अष्ट्रेलियामा अध्ययन र अवसरहरूको बारेमा जानकारी गराए।

VIT अष्ट्रेलियामा चारवटा क्याम्पसहरू (मेलबर्न, सिड्नी, ब्रिजबेन र एडिलेड) सहित स्थापित छ र यसले सूचना प्रविधि, व्यवसाय, लेखा, इन्जिनियरिङ, आतिथ्य व्यवस्थापन तथा अंग्रेजी भाषा कार्यक्रमहरूमा स्नातक तथा स्नातकोत्तर तहका अध्ययनहरू उपलब्ध गराउँदै आएको छ। उद्योगसँग समन्वय गरिएको पाठ्यक्रम र विद्यार्थीमैत्री वातावरण यसको विशेषता हो।

कार्यक्रममा खनालले अष्ट्रेलियामा अध्ययन गर्ने नेपाली विद्यार्थीहरूका लागि उपलब्ध अवसरहरूको बारेमा प्रस्ट पारे र VIT ले दिने शैक्षिक गुणस्तर, छात्रवृत्ति, भिसा प्रक्रिया, पोस्ट स्टडी वर्क राइट्स र विद्यार्थी सेवाहरूको बारेमा जानकारी दिए।

यसका साथै, बाबु खनाल “डेस्टिनेसन अष्ट्रेलिया” नामक चर्चित टेलिभिजन टक शोमा पनि सहभागी भए, जुन जुपिटर मिडिया द्वारा News 24 TV मा प्रसारित गरिएको थियो। उक्त कार्यक्रममा उनले अष्ट्रेलियाको शिक्ष प्रणाली, VIT को विस्तार र नेपाली विद्यार्थीहरूको बढ्दो आकर्षणका विषयमा चर्चा गरे।