काठमाडौँ — अन्तर्राष्ट्रिय शिक्षा अवसरका खोजीमा रहेका नेपाली विद्यार्थीका लागि महत्वपूर्ण अवसरका रूपमा रहेको ‘आईसीसीसी मल्टिडेस्टिनेशन एजुकेशन समिट २०२५’ राजधानी काठमाडौँमा भव्य रूपमा सम्पन्न भएको छ। “All Under One Roof” भन्ने नाराका साथ आयोजित यस कार्यक्रममा क्यानडा, अस्ट्रेलिया, बेलायत र अमेरिकाका प्रतिष्ठित विश्वविद्यालय र कलेजका प्रतिनिधिहरूले सहभागिता जनाएका थिए।

समिटमा सयौँ विद्यार्थी र अभिभावकहरूले प्रत्यक्षरूपमा विश्वका अग्रणी शैक्षिक संस्थाका प्रतिनिधिहरूसँग भेटघाट गर्दै, अध्ययन अवसर, पाठ्यक्रम, छात्रवृत्ति, र करिअर सम्भावनाबारे जानकारी लिएका थिए। कार्यक्रममा सहभागी विद्यार्थीहरूले यसलाई “एकै ठाउँमा सबै जानकारी पाउने उत्कृष्ट मञ्च”का रूपमा सराहना गरेका छन्।

कार्यक्रममा सहभागि प्रमुख क्यानडाका विश्वविद्यालय तथा कलेजहरूमा लेकहेड युनिभर्सिटीकी मिस गरिमा नारङ, रोयल रोड्स युनिभर्सिटीकी मिस स्वेता शर्मा, युनिभर्सिटी अफ विन्डसरका मिस्टर पवनदीप सिंह, युनिभर्सिटी क्यानडा वेस्ट र युनिभर्सिटी अफ नायग्रा फल्स क्यानडाका मिस्टर नेत्र प्रसाद कोइराला, ट्रिनिटी वेस्टर्न युनिभर्सिटीका मिस्टर नवनीत सिंह, सेन्टेनियल कलेजका मिस्टर बिनिन नालेन्डा, साउल्ट कलेजका मिस्टर उपेन्द्र एस. चौधरी, SAIT (Southern Alberta Institute of Technology) का मिस्टर परमहवीर चक्रवर्ती, सेरिडन कलेजका मिस्टर नितेश जंग कार्की, जर्जियन कलेजका मिस्टर रोहन रावत, डरहम कलेजका मिस्टर जीशान कमाल, क्याम्ब्रियन कलेजका मिस्टर सौरभ वर्मा, जर्ज ब्राउन कलेजका मिस्टर विवेक यादव, र फ्लेमिङ कलेजका मिस्टर अजित सिंहलगायतका प्रतिनिधिहरू रहेका थिए।

त्यस्तै, अस्ट्रेलियाबाट नेशनल एकेडेमी अफ प्रोफेसनल स्टडिज (NAPS) का मिस्टर खेमराज तिम्सिना, ApplyBoard का मिस्टर प्रफुल्ल पराजुली, र Pearson Education Limited का मिस्टर सुमन कृष्ण श्रेष्ठले पनि आफ्नो प्रस्तुति राखेका थिए।

कार्यक्रमको समापन गर्दै आईसीसीसीका प्रबन्ध निर्देशक राम खड्काले सबै विश्वविद्यालयका प्रतिनिधि, विद्यार्थी, र सहयोगी साझेदारहरूलाई धन्यवाद ज्ञापन गरे। उनले भने, “यो समिट हाम्रो साझा उद्देश्यको प्रतिबिम्ब हो — नेपाली विद्यार्थीलाई विश्वका उत्कृष्ट शैक्षिक अवसरहरूसँग जोड्ने प्रयास। हामी सबैको सक्रिय सहभागिताका लागि आभारी छौं।”

उनका अनुसार, यस किसिमका अन्तरक्रियात्मक शैक्षिक कार्यक्रमहरूले विद्यार्थीहरूलाई विश्वसनीय सूचना, सही निर्णय र भविष्य निर्माणमा सहायक भूमिका खेल्नेछन्। उनले आईसीसीसीलाई नेपाल र विश्वका विश्वविद्यालयबीचको विश्वसनीय सेतुका रूपमा निरन्तर अगाडि लैजाने प्रतिबद्धता पनि व्यक्त गरे।

विद्यार्थीहरूको उत्साह, संस्थागत सहभागिता, र सहयोगी वातावरणका कारण यस वर्षको ICCC Multi Destination Education Summit 2025 लाई अत्यन्त सफल कार्यक्रमको रूपमा लिइएको छ। यसले नेपालमा अन्तर्राष्ट्रिय शिक्षा सचेतना र अवसर विस्तारमा नयाँ ऊर्जा थपेको छ।