ललितपुर – ग्लोबल स्टडी पार्टनर्स (GSP) ले मङ्गलबार, २० जनवरी २०२६ मा ललितपुरस्थित होटल हिमालयको हिमालय हलमा “upGrad GSP नेपाल पार्टनर्स मिट २०२६” भव्य रूपमा सम्पन्न गरेको छ। कार्यक्रमले अन्तर्राष्ट्रिय विश्वविद्यालय, शैक्षिक संस्था तथा परामर्श व्यवसायीहरूलाई एकै थलोमा ल्याउँदै विश्वव्यापी शैक्षिक सहकार्यलाई थप मजबुत बनाएको छ।
दर्ता तथा हाइ–टी सत्रसँगै सुरु भएको कार्यक्रममा नेपालका कन्ट्री डाइरेक्टर अनिल श्रेष्ठले स्वागत मन्तव्य दिँदै नेपाल अन्तर्राष्ट्रिय शिक्षा बजारमा उदीयमान गन्तव्यका रूपमा स्थापित हुँदै गएको र GSP विद्यार्थी-केन्द्रित तथा पारदर्शी सेवाप्रति प्रतिबद्ध रहेको उल्लेख गरे।
कार्यक्रममा “upGrad – A Better Way” को कर्पोरेट प्रोफाइल प्रस्तुत गर्दै यसको विश्वव्यापी दृष्टिकोण र डिजिटल शिक्षा प्रणालीबारे जानकारी दिइयो। उद्घाटन सत्रमा upGrad GSP का चिफ ग्रोथ अफिसर अली बटले भर्चुअल माध्यमबाट मन्तव्य दिँदै दीर्घकालीन साझेदारी, गुणस्तरीय शिक्षा र नेपाली साझेदारहरूसँगको सहकार्यलाई प्राथमिकतामा राख्ने प्रतिबद्धता व्यक्त गरे।
संस्थागत साझेदार प्रस्तुति सत्रमा विश्वप्रसिद्ध विश्वविद्यालय तथा शिक्षा प्रदायक संस्थाका प्रतिनिधिहरूले विस्तृत पावरपोइन्ट प्रस्तुति दिएका थिए। कार्यक्रममा फ्लिन्डर्स युनिभर्सिटी, युनिभर्सिटी अफ न्युक्यासल, मर्डक युनिभर्सिटी, स्विनबर्न युनिभर्सिटी अफ टेक्नोलोजी, ग्रिफिथ युनिभर्सिटी, युनिभर्सिटी अफ एडिलेड, क्याप्लान बिजनेस स्कुल, फेडेरेसन युनिभर्सिटी, नविटास ग्रुप, स्ट्यान्ली कलेज तथा एजुकेशन सेन्टर अफ अस्ट्रेलियाका प्रतिनिधिहरूको सहभागिता रहेको थियो।
कार्यक्रममा Registered Partner Services (RPS) र Institutional Partners (IPs) बीच एक-आपसमा प्रत्यक्ष छलफल तथा भेटघाटको सत्र पनि आयोजना गरिएको थियो, जसले भर्ना प्रक्रिया, बजारका चुनौती र भावी सहकार्यका विषयमा गहन छलफल गर्न सहयोग पुर्याएको आयोजकले जनाएको छ।
संस्थागत साझेदारहरूलाई सम्मान प्रदान गरेपछि सामूहिक फोटो सेसन गरिएको थियो। सम्पूर्ण कार्यक्रम ग्लोबल स्टडी पार्टनर्स नेपालका सिनियर बिजनेस डेभलपमेन्ट म्यानेजरले सञ्चालन गरेका थिए।
अन्त्यमा बुफे लन्च तथा नेटवर्किङ सत्रको आयोजना गरिएको थियो, जहाँ सहभागीहरूले आपसी सम्बन्ध विस्तार गर्दै अन्तर्राष्ट्रिय शिक्षा क्षेत्रमा नयाँ सम्भावनाहरूबारे छलफल गरेका थिए।
