बैशाख-१९/ भैरहवा
रोटरी क्लब अफ बालाजुले रुपन्देही–ओमसतिया वडा नं. २, पडसरी स्थित श्री कोताही आधारभूत विद्यालयमाबालिकामैत्री शौचालय निर्माण गरि एक कार्यक्रमका बिच हस्तान्तरण गरेको छ ।
२०४५ सालमा स्थापना भएको उक्त सामुदायिक विद्यालयमा हाल नर्सरीदेखि कक्षा ८ सम्म कक्षा सञ्चालन भइरहेकोछ। विद्यालयमा मुख्यतः अति विपन्न वर्गका विद्यार्थीहरू अध्ययनरत छन् र सरकारको निःशुल्क शिक्षा नीतिअनुसारअभिभावकबाट कुनै पनि शुल्क नलिइँने यस विद्यालयमा हाल ११० जना छात्राहरू मात्र अध्ययनरत रहेका छन्।
विद्यालयमा ब्यवस्थित छात्रा शौचालयको अभावका कारण विद्यार्थीहरूको नियमित उपस्थितिमा समस्या देखिएकोथियो। विद्यालयको अनुरोधमा रोटरी क्लब अफ बालाजुको सहयोगमा दुई कोठे आधुनिक शौचालय निर्माण सम्पन्नगरिएको हो। यो शौचालय निर्माणपछि छात्राहरू भर्ना दर तथा नियमित उपस्थितिमा उल्लेख्य वृद्धि हुने अपेक्षाविद्यालय प्रशासनले लिएको छ।
शौचालय हस्तान्तरण कार्यक्रममा रोटरी डिस्ट्रिक्ट ३२९२ का गभर्नर विनोद कोइरालाको प्रमुख अतिथ्यता र पूर्वडिस्ट्रिक्ट गभर्नर सञ्जय गिरी, जितेन्द्र राजभण्डारी, राजेन्द्रमान शेरचन लगायतका विशिष्ट व्यक्तित्वहरूको समेत समारोहमा उपस्थिति रहेको थियो।
रोटरी क्लब अफ बालाजुको तर्फबाट क्लबका अध्यक्ष शोभा कुमारी पौडेल, इमिडियट पास्ट प्रेसिडेन्ट दीपक श्रेष्ठ तथाप्रेसिडेन्ट इलेक्ट भोज बिक्रम थापा लगायतका पदाधिकारीहरूको सक्रिय उपस्थिति रहेको थियो।
कार्यक्रममा अध्यक्ष शोभा कुमारी पौडेलले परियोजनाको आवश्यकता मूल्यांकन (Need Assessment), निर्माणप्रक्रिया तथा अनुगमन सम्बन्धी जानकारी दिँदै समयमै सफलतापूर्वक परियोजना सम्पन्न गरिएको बताउनुभयो।त्यसैगरी डिस्ट्रिक्ट बेसिक एजुकेशन एण्ड लिटरेसी प्रोग्राम चेयर PDG सञ्जय गिरीले डिस्ट्रिक्टका शैक्षिककार्यक्रमहरूबारे प्रकाश पार्नुभएको थीयो ।
डिस्ट्रिक्ट गभर्नर विनोद कोइरालाले विद्यालयमा शौचालयको महत्व माथी प्रकाश पार्दै आगामी दिनहरूमा पनि यस्तासामाजिक कार्यहरूमा निरन्तर सहयोग रहने विश्वास व्यक्त गर्नुभयो। त्यस्तै रोटरी क्लब अफ बालाजुका प्रेसिडेन्टइलेक्ट भोज बिक्रम थापाले भविष्यमा पनि यस्ता सेवामूलक कार्यक्रमलाई निरन्तरता दिने प्रतिबद्धता व्यक्त गर्नुभयो।
विद्यालयकी प्रधानाध्यापिका अनिता शर्माले शौचालय अभावका कारण विद्यार्थीहरू अत्यन्त प्रभावित भएको उल्लेखगर्दै यो ब्यवस्थित शौचालय संरचनाको निर्माण पछि विद्यार्थी भर्ना तथा उपस्थितिमा उल्लेख्य सुधार आउने विश्वासव्यक्त गर्नुभयो। साथै उहाँले रोटरी क्लब अफ बालाजु तथा अध्यक्ष शोभा कुमारी पौडेल लगायतका क्लब परिवारप्रतिहार्दिक धन्यवाद व्यक्त गर्नुभयो।
विद्यालय परिवारले आगामी दिनहरूमा पनि यस्तै सहयोग र सुझावको अपेक्षा गर्दै सम्पूर्ण सहयोगीहरू प्रति आभारव्यक्त गरेको छ । 
