पश्चिम नवलपरासी । रामनगर वृहत खानेपानी तथा सरसफाई आयोजना सुनवल १२ नवलपरासीको अध्यक्षमा एमाले गठबन्धनका बिष्णुप्रसाद अर्याल निर्बाचित भएका छन् । नवनिर्वाचित अर्यालले आफ्ना निकटतम यामलाल पाण्डेलाई ३१ मतले पछी पार्दै निर्वाचित भएका हुन। निर्वाचनमा अर्यालले ८ सय ६४ मत प्राप्त गर्दा पान्डेले ८ सय ३३ मत प्राप्त गरेका छन।
एमाले संग माधव नेपाल नेतृत्वको एकिकृत समाजवादी सहित माओवादी केन्द्र र राष्ट्रिय प्रजातन्त्र पार्टीको गठबन्धन र काँग्रेसमा माओवादीकै स्वतन्त्र पक्षधरको आन्तरिक गठबन्धन रहेको थियो।एमाले नेतृत्वको गठबन्धनबाट आयोजनाका निर्वतमान उपाध्यक्ष बिष्णु प्रसाद अर्याल हुन भने काग्रेस गठबन्धनबाट उम्मेदवार बनेका यामलाल पाण्डे सुनवल १२ का पुर्व अध्यक्ष हुन।यस्तै उपाध्यक्ष पदमा एमाले गठबन्धनका चण्डी प्रसाद डुम्रे ८ सय १७ र राजु बस्यालले ८८३ मत सहित निर्वाचित भएका छन् । उनीहरूका निकटम प्रतिद्वन्दी नरपती पान्डे ८१५ र हुमनाथ न्यौपानेले ७३९ मत प्राप्त गरेका छन्।सचिव पदमा एमालेका नरिश्वर पराजुलीले ८ सय ८० मतका साथ बिजय हुदा उनका प्रतिद्वन्दि कांग्रेसका टिकाराम न्यौपानेले ७ सय ६२ मत प्राप्त गरेका छन्।सहसचिव पदमा दिपक रानाले ८ सय ६७ मत प्राप्त गर्दा प्रतिद्वन्दी मोहर प्रसाद चौधरीले ७ सय ९१ मत प्राप्त गरेका छन्। कोषाध्यक्षमा देविलाल डुम्रेले ८ सय ४५ बिजय हुदा प्रतिद्वन्दी बासुदेव चौधरीले ८ सय ३ मत प्राप्त गरेका छन्।यसैगरी कार्यसमितिमा सदस्यमा कुल बहादुर राना,तेज प्रसाद पौडेल,प्रकाश पौडेल,सुनकेशी चौधरी निर्वाचित भएका छन्। लेखा समिति संयोजकमा एमाले गठवन्धनकै लालु प्रसाद पौडेल,दिलकुमारी सुवेदी र माधव अर्याल निर्वाचित भएका छन्।मतदानमा कुल २ हजार ६ सय ६७ मतदाता मध्ये १ हजार ८ सय ४७ मत खसेको निर्वाचन संयोजक बन्धुराज पौडेलले जानकारी दिनुभयो।
