पश्चिम नवलपरासी ।भन्सार छली नेपाल तर्फ ल्याउदै गरेको अवस्थामा पश्चिम नवलपरासीको पाल्हीनन्दन ५ गेर्माबाट २ लाख ७२ हजार मूल्य वरावरको अवैध कपडा प्रहरीले वरामद गरेको छ । भारतबाट नेपाल तर्फ मोटरसाईकलमा २ बोरामा गरी ल्याउदै गरेको थान कपडा ३३६ मिटर, साडी १७ पिस, लेडिज सुट ५९ पिस, लुङगी ४५ पिस, ठुलो मोजा १९५ पिस, सानो मोजा ६० पिस गरी जम्मा २ लाख ७२ हजार २ सय मूल्य बराबरको कपडा प्रहरीले वरामद गरेको हो ।
प्रहरी टोलीलाई देखे पछि उक्त कपडा सोही स्थानमा छाडी मानिस मोटरसाईकल लिई फरार भएको प्रहरीले जनाएको छ । बरामद गरीएका कपडा आवश्यक कारबाहीको लागि भन्सार कार्यालय महेशपुर पठाउने कार्य भइरहेको सूचना अधिकारी प्रहरी नायब उपरीक्षक भोजराज पाण्डेले जानकारी दिए ।
