सुनवल । महाकवि देवकोटा क्याम्पस सुनवल नवलपरासीको १२ औं क्याम्पस सभा सम्पन्न भएको छ । क्याम्पस सभालाई सम्बोधन गर्दै लुम्विनी प्रदेश सभा सदस्य खड्क वस्नेतले यस क्याम्पसले अभिभावकत्व ग्रहण गरि सवै शैक्षिक संस्थाहरुको नेतृत्वदायि भुमिका खेल्नुपर्ने बताउनुभयो । उहाँले अवको शिक्षा भनेको जिवन उपयोगी शिक्षा हुनुपर्नेमा जोड दिनुुुुुभयो । क्याम्पसको वृद्धिविकासका लागी आवश्यक अन्य निकायहरुसंग समेत समन्वय गर्ने प्रदेश सभा सदस्य बस्नेतले बताउनुभयो ।
वि.स २०७४ मा क्याम्पसले विश्वविद्यालय अनुदान आयोग नेपाल द्धारा प्रदान गरिने क्यु ए ए प्रमाण पत्र प्राप्त गर्दै क्याम्पसमा वि वि ए कार्यक्रम र वि.स २०७८ देखि त्रिभुवन विश्वयविद्यालय व्यवस्थापन संकाय अन्तर्गतको एम वि एस कार्यक्रम संचालनमा रहेको अध्यक्ष कृष्ण लामिछानेले बताउनुभयो । त्यस्तै क्याम्पसमा एम वि एस, वि आई सिटि इ , विविएस विएड र विएका कक्षाहरु संचालनमा रहेका छन् । अध्यक्ष लामिछानेले क्याम्पसको नाममा पुर्जा नहुँदा धेरै अनुदानका रकमहरु रोकिएको बताउदै अवको सरकारले यस समस्यालाई समाधन गर्नु पहल गर्नेमा आफु विश्वस्त रहेको बताउनुभयो । त्यस्तै नजिकीदै गरेको स्ववियु चुनाबलाई लक्षित गर्दै अध्यक्ष लामिछानेले त्रिविका आंगिक क्याम्पसहरुमा जस्तो राजनिति गर्न नहुनेमा जोड दिनुभयो । शैक्षिक गतिविधिलाई असर नपर्ने गरि स्वावियुको चुनाब गर्नुपर्ने उहाको भनाई थियो ।
कार्यक्रममा आजिवन सदस्य यज्ञ प्रसाद पाण्डे, देवि घिमिरे, क्याम्पसका निर्वतमान अध्यक्ष तथा संरक्षक विष्णु प्रसाद पौडेल, निर्वतमान सुनवल नगरपालिका नगर उप प्रमुख दधिराम अर्याल , सुनवल नगरपालिकाका नगर उपप्रमुख सुर्य प्रसाद दुवे , क्याम्पस संचालक समिति सदस्य भविश्वर तिवारीले आफ्ना भनाई राख्नुभएको थियो ।
