परासी । शहिद दिवसको अवसरमा जनता समाजवादी पार्टी नवलपरासीले सहिद परिवार एव विभिन्न आन्दोलनमा घाईतेहरूलाई सम्मान गरेको छ । जसपाका अध्यक्ष धरेन्द्र यादवको अध्यक्षता तथा पुर्व रक्षाराज्य मन्त्री एव जसपाका केन्द्रीय सदस्य रामबच्चन यादवको प्रमुख आथिथ्यतामा भएको सम्मान कार्यक्रममा बोल्दै यादवले सरकारले सहिदहरू बोकेको सपना पूरा गर्न नसकेको बताउनुभयो । सहिदले देखाएको बाटो हिड्नु भन्दा राजनीति दलहरू सत्ता चलखेल लागेको उहाले बताउनुभयो । यादवले सहिदहरूले देखाएको बाटोमा हिड्न सबै राजनितीक दलहरूले आग्रह गर्नुभएको थियो ।
सम्मान कार्यक्रममा जनआन्दोलनमा सहिद भएका बिष्णु पाण्डेकी धर्मपत्नी भागिरथी पाण्डेले सहिदका सपना राज्यले बिर्सिएकोमा दुख व्यक्त गर्नुभएको थियो । उहाले राज्यले शहिदको बलिदानलाई अपहेलना गर्यो, जुनसुकै बाहानामा मृत्यु भएकालाई सहिद घोषणा गर्ने र पैसामा सहिद परिवारलाई सहिदको रगतमा कुल्चिएर सत्ताको भागबन्डा मिलाउन मरिहत्ते गरिरहेको भन्दै आक्रोश व्यक्त गर्नुभएको थियो ।
मधेश आन्दोलन, थारूहट जनआन्दोलन शहिद परिवार, १० बर्ष जनयुद्द र घाईतेहरूलाई सम्मान गरिएको जपसा नवलपरासीका जिल्ला अध्यक्ष यादवले जानकारी दिनुभयो । उहाका अनुसार मधेश आन्दोलन,थारूहट जनआन्दोलन शहिद परिवार, १० बर्ष जनयुद्द र घाईतेहरूलाई गरि ९० जनालाई दोसल्ला ओढाएर सम्मान गरिएको अध्यक्ष यादवले बताउनुभयो । कार्यक्रममा नेपाली काग्रेसका कार्यवाहक सभापति बिक्रम यादव, एमालेका लुम्बिनी प्रदेश कमिटी सदस्य बिमल पौडेल, लोसपा जिल्ला अध्यक्ष मुकुल गिरी, जनमत केन्द्रिय सदस्य बालगोबिन्द चौधरी लगायतले आ आफ्ना भनाई राख्नुभएको जसपाका मदन यादवले जानकारी दिनुभयो ।
