सुनवल । प्रथम वडाअध्यक्ष कप जिल्ला स्तरीय कराते प्रतियोगितामा बनाहा डोजो टिम प्रथम भएको छ । सुनवल-३ किर्तिपुर कराते शाखा डोजोको आयोजनामा पश्चिम नवलपरासीको सुनवलमा फाल्गुन ६ र ७ गते सञ्चालन भएको प्रतियोगितामा १० गोल्ड, ४ सिल्भर र ५ ब्रोन्ज प्राप्त गर्दै बनाहा डोजो टिम प्रथम भएको हो । यस्तै ८ गोल्ड, १० सिल्भर र १० ब्रोन्ज सहित किर्तिपुर डोजो टिम द्धितिय भएको छ भने ५ गोल्ड, ५ सिल्भर र ६ ब्रोन्ज सहित बन्कट्टी एस.के. एफ डोजो टिम तृतिय भएको छ । करिव १६ वटा डोजोको सहभागिता रहेको उक्त प्रतियोगितामा कुल ५० गोल्ड मेडल, ५० सिल्भर र १०० भन्दा बढी ब्रोन्ज मेडल वितरण गरिएको थियो ।
आईतवार भएको समापन समारोहलाई सम्बोधन गर्दै प्रमुअ अतिथि सुनवल नगरप्रमुख विमला अर्यालले आगामी दिनमा कराते खेलको विस्तार र प्रवद्र्धनका लागि नगरपालिकाले थप सहयोग गर्ने प्रतिबद्धता जनाउनुभएको थियो ।
कार्यक्रममा जिल्ला खेलकुद विकास समिती एवं लुम्बिनी भलिबल संघका उपाध्यक्ष रमेश कर्मचार्य , वडा न.३ का वडा अध्यक्ष पबिन गुरुङ लगायतले सुनवल क्षेत्रमा नै प्रथम पटक आयोजना गरीएको यस प्रतियोगिताले आगामी दिनमा थप यस किसिमका कार्यक्रमलाई निरन्तरता दिनुपर्नेमा जोड दिनुभएको थियो ।
कार्यक्रममा जनप्रतिनिधि,पुर्व जनप्रतिनिधि एवं विभिन्न संघ सस्थाका व्यक्तित्वहरुको सहभागिता रहेको थियो ।
कार्यक्रममा प्रशिक्षक एव्ां किर्तिपुर डोजोकी अध्यक्ष कमला रानाले सम्पुणलाई धन्यवाद दिदै कार्यक्रमको समापन गर्नु भएको थियो।
कार्यक्रम आयोजक समिती सदस्य राम कुमार बि.कको स्वागत मन्तव्य रहेको कार्यक्रम सन्चालन डोजोका सचिब रोशन श्रेष्ठले गर्नु भएको थियो ।
कार्यक्रममा खेलाडिहरुलाई मेडल र प्रमाणपत्र , सहयोगी दाताहरुलाई सम्मान पत्र र रेफ्रीहरुलाई मायाको चिनो र सम्मान पत्र वितरण गरिएको थियो ।
