पुजा लम्साल,सुनवल ।सुनवल युनाईटेड इंलिस बोर्डिङ सेकेन्डरी स्कुल सुनवल ४ नवलपरासीमा गत फाल्गुन ११ गते देखी सुरु भएको खेलकुद सप्ताह अन्र्तगतको इ.सि.ए. मिटको चौथो दिन आज अन्तर सदनात्मक नृत्य प्रतियोगिता सम्पन्न भएको छ ।
विद्यालयका १६ समुहको सहभागिता रहेको प्रतियोगितामा जुनियर तर्फ पाईथागोरस सदन (ग) प्रथम, न्यूटन सदन (ख) द्धितिय र आईस्टाईन सदन (क) तृतिय र ग्यालिलियो सदन (ख) सान्त्वना भएका विद्यालयका प्रिन्सिपल धनराज चापागाईले जानकारी दिनुभयो ।
यस्तै सिनियर तर्फ पाईथागोरस सदन (क) प्रथम, न्यूटन सदन (क) द्धितिय र आईस्टाईन सदन (ख) तृतिय र न्यूटन सदन (ख) सान्त्वना भएका छन् ।
सो नृत्य प्रतियोगितामा लुम्विनी प्रदेश नृत्य निर्देशक संघका उपाध्यक्ष सुन्दर गुरुङ निर्णायक को रुपमा रहनुभएको थियो ।सुनवल वडा नं ४ का वडाध्यक्ष बालकृष्ण पंगेनीको प्रमुख आतिथ्यता एव्ं प्रिन्सिपल चापागाईको अध्यक्षतामा कार्यक्रम सम्पन्न भएको हो ।
