न्यूज फायर,सुनवल । प्याब्सनका केन्द्रिय सचीव सुवर्ण न्यौपानेले शैक्षिक पाठ्यक्रम सुधार गर्नु पर्ने बताउनु भएको छ । शुक्रबार पश्चिम नवलपरासीको सुनवल-१३ बडेरामा स्थित सिस्किङ सेकेण्डरी इङलिस बोर्डिङ्ग स्कुलको २१ औं बार्षिकत्सव एवं अभिभावक दिवस कार्यक्रमलाई सम्बोधन गर्दै प्रमूख अतिथि न्यौपानेले अहिलेको पाठ्यपुस्तक उत्कृष्ठ र परिणाम मुखी नभएकोले सरकारले शैक्षिक पाठ्यक्रम सुधार गर्नु पर्न बताउनु भएको हो ।
बिद्यालय संचालक समितिका अध्यक्ष घन श्याम आलेको अध्यक्षतामा भएको कार्यक्रममा प्याब्सन केन्द्रिय कार्यसमितिका पुर्व सल्लाहकार सुमन गोपाल आचार्य,प्याब्सन लुम्बिनी प्रदेश सचीव धनराज चापागाईं,प्याब्सन प्रमुख सल्लाहकार इन्द्र गुरुङ,प्याब्सन नवलपरासी अध्यक्ष गुरुदत्त पौडेल,सुनवल नगर शिक्षा अधिकृत पशुपति भट्टराई,जिसन प्रमुख सल्लाहकार सन्तोष रौनियार,सुनवल प्याब्सनका अध्यक्ष कृष्ण प्रसाद शर्मा लगायतले सुभकामना मन्तव्य राख्नु भएको थियो।
बार्षिकोत्सव कार्यक्रममा लायन्स क्लब अफ देवदह पाकरीको सहयोगमा संचालन गरिएको स्वास्थ्य शिविरमा २०० जनाको सुगर प्रेसर नापजाँच गरिएको प्रिन्सिपल डम्बर बहादुर गुरुङ्गले जानकारी दिनुभयो।
विद्यालयका प्रिन्सिपल गुरुङले विद्यालयको प्रगति प्रतिवेदन प्रस्तुत गर्दै वि.स.२०५८ सालमा स्थापना भएको यस विद्यालयमा कक्षा १० सम्म अध्यापन हुने र हाल करिब ४ सय ५० विद्यार्थी अध्यनरत रहेका जानकारी दिनुभयो।
कार्यक्रममा बिद्यालयका विद्यार्थीहरुले भेषभुषा प्रर्दशनी विभिन्न नृत्य,समसामयीक जनचेतनामुलक नाटक, वक्तृत्वकला,लगायतका प्रस्तुति प्रस्तुत गरेका थिए भनेसो अवसरमा शैक्षिक तथा खेलकुद प्रतियोगितामा उत्कृष्ठ हुने विद्यार्थीहरुलाई पुरस्कार वितरण गरिएको थियो।
