नारी तिम्रो रुप अनेक
तिम्रो स्वरुप अनेक
तिम्रो धर्म अनेक
अनि कर्म आनेक।।
चुलो तिम्रो चौको तिम्रो
खेत तिम्रो वारि तिम्रो
ढिकि तिम्रो जातो तिम्रो
बन तिम्रो पाखा तिम्रो।।
घरकी तिमि भान्से
लुगा धुने धोबी तिमी
सरसफाइ गर्ने आया
घरकी इमान चौकिदार
आदि आदि।।
यी सबको मूल्य कति
यतिका जागिर र कर्मको
तलब कति?भत्ता कति ?
हिसाब पाइकी छौ?
पैसा नपाए पनि,
तिम्रा श्रीमान ले , ससुराले
अनि समाज ले यसको हिसाब राखेको छन
मन मस्तिष्क मा?
यो बेहिसाबको कर्म कहिले सम्म?
समय सगै कर्म पनि फेरेउ नारी तिमी
पुरुष सगै तिमी आज
अफिसमा, स्कुलमा , कलेज
अनि अड्डा अदालतमा
प्रहरीमा तिमी ,सेनामा नि तिमी
उद्योग मा मजदुर अनि व्यापार ब्यवसायमा पनि तिमि
तिम्रो घरको कर्म उस्तै दुरुस्तै
तिम्रो सफल जादू हो कि बाध्यता को कर्म?
तिम्रा यी कर्म सगै अर्का सहयोगि हातहरु
किन सगै अगि बडदैनन?
समानता का लागि ,अधिकार का लागि
सदियौ देखि मुर्दाबाद जिन्दाबाद
चोकमा, गल्लीमा , सडकमा ठुला ठुला भासण
कैयौ गोष्ठी , सेमिनार आदि मा लाखौ डलर
नदिको पानी सरि बगिरहे
तर परिवर्तन ?
जब सम्म तिम्रो रगत र मेरो रगत यौटै हो भन्ने
तिम्रो पिडा मेरो पिडा उहीँ हो
सबै कर्म को मुल्य हुन्छ भन्ने
चेत खुल्दैन , तबसम्म
जति नौला बिहानि आयपनी
जति गित गाय पनि, जति बिधान बनाय पनि
ती सब सर्पले काचुली फेरे जस्तै न हुन।
युवराज ढकाल
नवलपरासी ।