पुजा लम्साल,सुनवल । शाईन रेसुङ्गा डेभ्लपमेन्ट बैँक लिमिटेड सुनवल शाखाले आज दुई स्थानमा वित्तीय साक्षरता कार्यक्रम सञ्चालन गरेको छ । बैंकले पछिल्लो समय चिठ्ठा, उपहार लगायतका नाममा विभिन्न अनलाईन ठगिका घटनाबाट कसरी बच्न सकिन्छ र आफ्नो स-सानो रकम बचत गर्दै उत्पादनमूलक क्षेत्रमा लगानी गरी आय आर्जनको श्रोत बढाउन सकिने जानकारी सहित निरन्तर वित्तीय सचेतना कक्षा सञ्चालन गर्दै आएको छ ।
सो क्रममा आज पनि छुट्टाछुटटै स्थानमा सृजना आमा समुह बनाहा र महलपोखरी देवी आमा समुह वेलारीका करिव ७० जना सदस्यहरुलाई वित्तीय साक्षरता कक्षा सञ्चालन गरिएको बैँकका सुनवल शाखा प्रवन्धक भवानी ढकालले जानकारी दिनुभयो ।
कलस्टर हेड भागिरथ न्यौपानको अध्यक्षतामा भएको कार्यक्रममा वैँकका देवदह शाखाका अपरेसन ईन्चार्ज विकास मल्ल र बैँकका परासी शाखाका शाखा प्रवन्धक वमकान्त न्यौपानेले बैकसंग कसरी कारोबार गर्ने, बित्तिय साक्षरता भनेको के हो, यसको महत्व ,बचतको प्रकार तथा महत्व, कर्जाको प्रकार तथा त्यसको उपयोगीता, बचत गर्न उपयुक्त स्थान लगायतका वारेमा सहजीकरण गर्नुभएको थियो ।
कार्यक्रममा देवदह शाखाका शाखा प्रवन्धक सविता वाग्ले ढुंगाना, बडेरा शाखाका शाखा प्रवन्धक अनिल भण्डारी, भुमही शाखाका शाखा प्रवन्धक दिपक पाण्डे लगायतको सहभागिता रहेको थियो ।
प्रविधिको प्रयोग मार्फत वित्तीय व्यवस्थापन र यसको सही सदुपयोग कसरी गर्न सकिन्छ भन्नेबारे जानकारी दिने उदेश्यले आयोजना गरीएको कार्यक्रममा सहभागि सदस्यहरुले कार्यक्रम निकै जानकारीमुलक भएको भन्दै खुसी व्यक्त गरेका थिए ।
कार्यक्रमको संचालन भने सुनवल शाखा प्रवन्धक ढकाल र अपरेसन ईन्चार्ज ज्ञानु पाण्डेले गर्नुभएको थियो ।
