पुजा लम्साल,सुनवल । ग्लोवल मनि वीक २०२३ अभियान अन्र्तगत प्रविधिसंगै सुरक्षित बैकिङ्ग कारोवारका लागि नागरीकलाई सुसुचित बनाउने उदेश्यले शाईन रेसुङ्गा डेभ्लपमेन्ट बैँक लिमिटेड सुनवल शाखाले वित्तीय साक्षरता कार्यक्रम सञ्चालन गरेको छ । बैँकले आज घोला आमा समुह सुनवल ४ का सदस्यहरुलाई पछिल्लो समय चिठ्ठा, उपहार लगायतका नाममा विभिन्न अनलाईन ठगिका घटनाबाट कसरी बच्न सकिन्छ र प्रविधिको प्रयोग मार्फत वित्तीय व्यवस्थापन र यसको सही सदुपयोग कसरी गर्न सकिन्छ भन्ने जानकारी सहित वित्तीय सचेतना कक्षा सञ्चालन गरेको हो ।
कलस्टर हेड भागिरथ न्यौपानको अध्यक्षतामा भएको कार्यक्रममा बैँकका सुनवल शाखा प्रवन्धक भवानी ढकालले बैकसंग कसरी कारोबार गर्ने, बित्तिय साक्षरता भनेको के हो, यसको महत्व ,बचतको प्रकार तथा महत्व, कर्जाको प्रकार तथा त्यसको उपयोगीता, बचत गर्न उपयुक्त स्थान तथा बैँकले प्रदान गर्ने सेवा सुविधा लगायतका वारेमा सहजीकरण गर्नुभएको थियो । कार्यक्रममा आमा समुहकी अध्यक्ष तितली देवी पुन सहित ६० जना सदस्यहरुको सहभागिता रहेको अपरेसन ईन्चार्ज ज्ञानु पाण्डेले जानकारी दिनुभयो ।
आजवाट सुरु भएको ग्लोवल मनि वीक २०२३ अभियान अन्र्तगत सुनवल वडा नं ४ वडा कार्यालय संग को समन्वयमा बैंकले विभिन्न आमासमुह, महिला समुह, विद्यालय, कलेजका युवाहरुलाई वित्तीय ज्ञान, सीपका कार्यक्रम मार्फत वित्तीय साक्षरता अभिबृद्धि र आर्थिक समृद्धिको लक्ष्य हासिल गर्न सहयोग पुग्ने अपेक्षा गरेको छ ।
