खुरसेद हजाम / नवलपरासी
पश्चिम् नवलपरासी प्रतापपुर गाउपालिका ५ बेताहानीमा प्रहरी र स्थानीय बिच झड्प हुदा २ राउन्ड अश्रुग्यास प्रहार भएको छ। प्रहरीले अनुसन्धानको लागि स्थानीय युवक दिनेश कोइरीलाई नियन्त्रण लिन खोज्दा स्थानीयले अवरोध हुदा झडप भएको हो ।
झडप अनियंत्रित हुदा प्रहरीले दुई राउण्ड अश्रु ग्यास प्रहार गरेको इलाका प्रहरी कार्यालय बेलाटारीका प्रहरी निरीक्षक श्यामप्रसाद यादवले बताउनु भएको छ ।
उहाँका अनुसार युवकसँग भेटिएको १० लाख रुपैयाँ नगदको श्रोत खुलाउन माग गरिएको र अनुसन्धानका लागि इलाका प्रहरी कार्यालय लैजान खोज्दा स्थानीयले अवरोध गरेका हुन् । आफ्नै पैसा बैंकमा जम्मा गर्न हिँडेका युवकलाई प्रहरीले बाटोमा रोकेर नियन्त्रणमा लिन खोजेको स्थानीयवासीको आरोप रहेको छ ।
