सुनवल । सर्वाङ्गीण कृषि सहकारी संस्था लि.सुनवल १ सोमनाथले ५० प्रतिशत अनुदानमा कृषि समाग्रीहरु कृषकलाई हस्तान्तरण गरेको छ । प्रधानमन्त्री कृषि आधुनिकीकरण परियोजना अन्तर्गत सुनवल नगरपालिकाद्धारा ५० प्रतिशत अनुदानमा प्राप्त कृषि समाग्री सहकारीका शेयर कृषकहलाई प्रदान गरेको सहकारीका अध्यक्ष खगराज उपाध्यायले बताउनुभयो । सहकारीले सरकारबाट उपलब्ध हुने सेवा सुविधालाई निरन्तर मध्यस्थता गर्दै शेयर सदस्यहरको हित र कृषि कार्यको सम्मानको लागी अनवरत रुपमा लागी पर्ने सहकारीका अध्यक्ष उपाध्यायको भनाई छ ।
समृद्ध सुनवल र सुखि सुनवलवासीको संकल्प सहित नगरपालिकाका विभिन्न योजना रहेको नगरप्रमुख विमला अर्यालले बताउनुभयो । सुनवल नगरपालिकालाई कृषिमा अब्बल बनाई निर्यातमा कम गर्ने उद्देश्य समेत नगरपालिकाले राखेको नगरप्रमुख अर्यालको भनाई छ । आगामि दिनमा कृषकहरुलाई अझै वढि सहुलियत हुने गरि नगरपालिकाले योजना बनाउने भन्दै नगर प्रमुख अर्यालले अनुदानमा प्राप्त प्रविधिहरुलाई सहि सदुपयोग गर्न आग्रह गर्नुभयो ।
त्यस्तै वडाध्यक्ष मनबहादुर थापाले कृषी क्षेत्रलाई अगाडी वढाउन महत्वपुणर् भुमिका खेल्ने सहकारीको काम प्रशंसनिय रहेको भन्दै कृषि क्षेत्रबाटै बेरोजगारी हटाउनु पर्नेमा जोड दिनुभयो ।
त्यस्तै सुनवल नगरपालिकाका कृषि प्राविधिक मनोज न्यौपानेले पहिलो चोटी पकेट क्षेत्रलाई परेको अनुदान दोस्रो पटक पनि पर्ने र सुपर जोन बनाउन सके प्रविधिमा अझै वढि अनुदान आउने बताउनुभयो ।त्यसको लागी कृषकहरुको दक्षता र लगनशिलताले प्रभाव पार्ने उहाको भनाई थियो।
कार्यक्रममा सहकारीका सल्लाहकार संयोजक जित वहादुर पौडेल, संस्था उपाध्यक्ष रुद्रनाथ लामिछाने र समाग्री प्राप्त गर्ने कृषकको तर्फबट धनप्रसाद तिवारीले प्राप्त कृषि समाग्रीको सहित सदुपयोग गर्दै वढि भन्दा वढि फाइदा लिनुपर्नेमा जोड दिएको संस्था कोषाध्यक्ष हरि चापागईले जानकारी दिनुभयो ।
रोडाभेटर, हाते ट्याक्टर, छाटि काट्ने मेशिन,राइस मिल,पम्पसेट,स्प्रे,त्रिपाल,केदालो लगाएत रु २४ लाखको कृषी प्रविधिहरु सहकारीका ९१ जना कृषकहरुलाई वितरण गरेको संस्थाका व्यवस्थापक सोमनाथ सापकोटाले जानकारी दिनुभयो ।
