सुनवल । टोलको सर्वाङ्गिण विकासका लागि आगामी आव २०८०/८१ मा बजेट विनियोजन गर्न र अन्य सम्बन्धित निकायमा सिफारिस एवं आवश्यक पहलका लागि सुनवल वडा नं ३ स्थित किर्तिपुर १ टोलविकास संस्थाले नगरपालिकासंग अनुरोध गरेको छ ।
नगरपालिकामा एक कार्यक्रमका विच टोलको विकास अवस्थाका वारेमा नगर प्रमुख विमला अर्याल, नगरपालिकाका सम्पुणर् शाखाका शाखा प्रमुख, कार्यपालिका सदस्यहरुको ध्यानाकर्षण गराएको टोल विकास संस्थाका अध्यक्ष बद्रिमान श्रेष्ठले जानकारी दिनुभयो ।
वडा तथा टोलको समग्र विकासका लागि सडक, शिक्षा, स्वास्थ्य, कृषि तथा पशुपंक्षि, रोजगारी, खेलकुद, सामाजिक विकास, तटबन्धन, ग्रीनवेल्ट सदुपयोग लगायत विषयमा आगामी आव २०८०/८१ मा बजेट विनियोजन गर्न माग गरिएको छ ।
सो क्रममा सुनवल नगरपालिका प्रमुख विमला अर्यालले नगरका विभिन्न खालका योजनाहरुलाई पुरा गर्न पहलकदमी लिएको बताउदै ठुला ठुला योजनाहरुको सवालमा संघ र प्रदेशसंग बजेट माग गरिएको बताउनुभयो । क्रमशै संग ति योजनाहरु पुरा गर्ने उहाको भनाई थियो ।
स्थानिय सरकारले नीति योजना बनाए पनि बजेट कटौती भएको र आन्तरिक श्रोत पनि नभएको हुँदा पूरा गर्न चुनौती रहेको नगर प्रमुख अर्यालले बताउनुभयो । गाँउ टोल बनाउने जिम्मेवारी सबैको रहेको हुदा सवैले आ आफ्नो स्थानबाट जिम्मेवारी पुरा गर्नुपर्ने बताउनुभयो ।
