सुनवल ।पश्चिम नवलपरासीको सुनवलमा डल कुशन बनाउने १२ दिने तालिम सुरु भएको छ । सुनवल नगरपालिकाको आर्थिक बर्ष २०७९/०८० को कार्यक्रम अन्तर्गत वडा नम्बर १ देखि दलित बर्ग उत्थान कार्यक्रमको लागि बिनियोजित बजेटवाट सुनवल १ प्रगतिटोलको सामुदायिक भवनमा तालिमको शुभारम्भ गरिएको हो ।
दलित बर्ग उत्थान उपभोक्ता समितिका अध्यक्ष प्रकाश बिस्वकर्माको अध्यक्षतामा भएको कार्यक्रममा प्रमुख अतिथि सुनवल वडा नम्बर १ का वडा अध्यक्ष मन बहादुर थापा मगरले तालिम उपलब्धीमुलक हुनुपर्नेमा जोड दिनुभयो । सिपमुलक तालिमको मुख्य उदेश्य स्वरोजगार सिर्जना गर्नु रहेकाले तालिममा सिकेको कुरालाई व्यवहारमा लागु गर्नुपर्ने बताउनुभयो ।
कार्यक्रममा वडा सदस्य प्रसुराम कवर, सदस्य बालकुमारी परियार, दलित उत्थान केन्द्र नगर अध्यक्ष शिब बहादुर बि क, मान बहादुर बि क, बिशु बिक लगायतले शुभकामना मन्तव्य राख्नुभएको थियो ।
उक्त तालिमको प्रशिक्षकका रुपमा यिका मल्ल रहनु भएको छ । कार्यक्रममा उपभोक्ता समितिका कोषाध्यक्ष दिपु परियारको स्वागत तथा सचिव राधा विश्वकर्माको सञ्चालन रहेको थियो ।
