परासी । पश्चिम नवलपरासीको सरावल गाउँपालिकामा रहेको मनरी आयूर्वेद औषधालय भवन सोमबार एक कार्यक्रमको वीचमा उद्घाटन भएको छ । आयूर्वेद व्यवस्थापन समितिका अध्यक्ष एंव वडा नं. २ का अध्यक्ष शम्भुप्रसाद चौधरीको अध्यक्षता र सरावल गाउँपालिका अध्यक्ष सुखाडिप्रसाद चौधरीको प्रमुख आतिथ्यमा भवनको उदघाटन भएको हो । भवनको उद्घाटन समारोहमा बोल्दै चौधरीले आयुर्वेद दुर्लभ भएको हुनाले यसको संरक्षणका लागि सबै लाग्नु पर्ने बताउनु भयो ।
उहाँले सरावलको आर्यूवेद औषधालयले जुन किसिमले सेवा ग्राहीलाई सेवा प्रदान गर्दै आएको छ । भोलिको दिनमा जिल्लामै नमुना औषधालयको रुपमा चिनाउन सफलहोस भन्ने शुभकामना दिदै आयूवेदलाई राम्रो बनाउन गाउँपालिका सधै अग्रसर रहने प्रतिबद्धता जाहेर गर्नु भयो । साथै आउने दिनमा योगा भवनको निर्माण गर्ने योजना रहेको जानकारी दिनु भयो । कार्यक्रममा बोल्दै सरावल गाउपालिका उपाध्यक्ष बासमति हरिजन,गाउँपालिकाका पुर्व अध्यक्ष राधेश्याम चौधरी, प्रमुख प्रसाशकिय अधिकृत दुर्गा पौडेल, जिल्ला आयूर्वेद स्वास्थ्य कार्यालयका प्रमुख डा.अर्चना शुक्ला लगाएतले आर्यूबेदको मह्त्वको बारेमा बताउदै निशूल्क रुपमा सेवाग्राहिलाई सेवा प्रदानले सहजता प्रदान गरेका यसको संरक्षण र प्रर्वधनकालागि सबैकोे भुमिका महत्वपुणर् रहने उहाँहरुले बताउनु भयो ।
सरावल गाउँपालिकाका सात वटै वडाका वडा अध्यक्षहरु तथा सदस्यहरु,स्थानिय गाउँवासीलगाएको उपस्थिति रहेको थियो भने सो कार्यक्रमको सचालन आयूर्वेद औषधालयका कविराज निरिक्षक सन्तोष कुमार कहारले गर्नुभएको थियो ।
