सुनवल । महाकवि देवकोटा क्याम्पस सुनवलमा खेलकूद सप्ताहमा उत्कृष्ठ हुने विद्यार्थीहरुलाई पुरस्कार वितरण गरिएको छ । क्याम्पस सभाहलमा आज एक कार्यक्रमका विच खेलकूद प्रतियोगितामा सहभागि भई विजेता तथा उपविजेता हुन सफल खेलाडी विद्यार्थीहरुलाई हौसला स्वरुप पुरस्कार वितरण गरिएको हो ।
क्याम्पस प्रमुख नारायण प्रसाद ढकालको अध्यक्षता तथा क्याम्पस संचालक समितिका अध्यक्ष कृष्ण प्रसाद लामिछानेको प्रमुख आतिथ्यतामा सम्पन्न कार्यक्रममा अतिरिक्त क्रियाकलाप शाखाद्वारा संचालन गरिएका भलिबल, फुटसल, स्लो साइकल रेस, म्युजिकल चेयर, क्रिकेट,घैँटो फुटाई,रिले रेस,सट पुट जस्ता प्रतियोगितामा प्रथम, द्वितीय र तृतीय स्थान प्राप्त गर्न सफल विद्यार्थीहरुलाई मेडल र प्रमाणपत्र प्रदान गरिएको थियो ।
कार्यक्रममा शुभकामना मन्तव्य राख्दै क्याम्पस संचालन समिति अध्यक्ष एव्ं कार्यक्रमका प्रमुख अतिथि लामिछानेले खेलकूदले विद्यार्थीहरुको शारिरीक र मानसिक विकास गर्नुका साथै विद्यार्थीहरुलाई अनुशासित बनाउँदै सबैसंग भाइचाराको सम्बन्ध विस्तार गर्ने विचार व्यक्त गर्दै विभिन्न प्रतियोगितामा विजेता र उपविजेता बन्न सफल विद्यार्थीहरुलाई शुभकामना व्यक्त गर्नुभयो ।
समापन मन्तव्यका क्रममा क्याम्पस प्रमुख ढकालले जित र हार भन्ने कुरा सामान्य कुरा भएको तर्फ सङ्केत गर्दै खेलकूदमा सहभागिता नजनाएका अन्य विद्यार्थीहरुलाई पनि आगामी दिनमा सहभागी हुन आग्रह गर्नु भयो ।
वि.आई.सि.टि.ई कोर्डिनेटर हरिदत्त शर्माको संचालन र अतिरिक्ता शाखा संयोजक सुलोचना अर्यालको स्वागत मन्तव्य रहेको सो कार्यक्रममा सहायक क्याम्पस प्रमुख प्रकाश जिसी, विविए, वि.आई.सि.टि.ई कार्यक्रमका संयोजक, शिक्षक,कर्मचारी विद्यार्थी गरी १०० बढीको सहभागिता रहेको थियो ।