सुनवल । द पायनियर सेकेण्डरी ईङ्गिलस वोर्डिङ्ग स्कुल सुनवलमा आज चित्रकला प्रतियोगिता र स्पेलिङ्ग कन्टेष्ट (हिज्जे प्रतियोगिता) सम्पन्न भएको छ । द पायनियर सिर्जनशिल बाल क्लवको आयोजना तथा सुनवल वडा नं १ वडा वाल सञ्जालको सहकार्यमा विद्यालयमा कक्षा १ देखी ५ सम्म चित्रकला र कक्षा ६देखी ९ सम्म हिज्जे प्रतियोगिता सम्पन्न भएको हो ।
वालक्लवका उपाध्यक्ष विपिन गैरेको अध्यक्षता तथा विद्यालयका प्रिन्सिपल कृष्ण प्रसाद शर्माको प्रमुख आतिथ्यता रहेको कार्यक्रममा प्रिन्सिपल शर्माले विद्यालयले सवै वालवालिकालाई स्वतन्त्र रुपमा सिक्ने अवसर प्रदान गरेको र आगामी दिनहरुमा पनि बालवालिकाको सृजनात्मक अभिबृद्धिका कार्यक्रम आयोजना गर्ने प्रतिवद्धता व्यक्त गर्नुभयो ।
वालक्लवका सचिव आर्दश बस्यालको स्वागत तथा सहसचिव शाहिल न्यौपानेको संचालन रहेको कार्यक्रममा वडा वाल सञ्जालका अध्यक्ष शुसान श्रेष्ठ, शिक्षक संयोजक विजय कुमार चौधरी, वडा वाल सञ्जालकी सचिव निशा गौतम, कोषाध्यक्ष दुर्गा तिवारी, वालमैत्री स्वयमसेवक हुम कुमारी थापा लगायतको सहभागिता रहेको थियो ।
