सुनवल । घरमै वस्ने तथा विचमै पढाई छोडेका महिलाहरुलाई लक्षित गर्दै पश्चिम नवलपरासीको सुनवलमा महिला विद्यालय शुभारम्भ भएको छ । विद्यालयको जेठ १५ गते गणतन्त्र दिवसकै दिन पारेर उद्घाटन गरिएको हो ।
महिला विद्यालयको उद्घाटन गर्दै जिल्ला समन्वय समिति प्रमुख भगौती यादवले जिल्लामै पहिलो पटक महिला विद्यालय संचालनमा आउनु निकै महत्वपुणर् भएको बताउनुभयो । लुम्विनी समता महिला विद्यालय नामकरण गरेको महिला विद्यालयको दिगोपनाको लागी सवैको उत्तदायित्व रहेको बताउनुभयो ।
कार्यक्रममा महिला दिदिवहिनीहरुलाई सचेत र सिपवान बनाउने लक्ष्यका साथ नगरपालिकालाई समृद्ध वनाउने योजना सहित महिला विद्यालयको सुभारम्भ गरेको सुनवल नगरपालिकाका प्रमुख विमला अर्यालले बताउनुभयो । महिलाहरुलाई सक्षम र सवल बनाउन का साथै समाज रुपान्तरणको लागी महिला सचेत हुन अपरिहार्य भएको नगरप्रमुख अर्यालको भनाई छ।
त्यस्तै सुनवल नगरपालिकाका नगर उपप्रमुख सुर्य दुबेले सुनवलको विकासमा महिलाहरुको भुमिका रहने भन्दै लुम्विनी समता महिला विद्यालयले सुनवललाई शैक्षिक हव बनाउनको लागी कोशे ढुगां सावित हुने बताउनुभयो ।
लुम्विनी माध्यमिक विद्यालयमा संचालन भएको महिला विद्यालयमा कक्षा ४ देखि १० सम्म महिलाहरुलाई भर्ना गरी पठनपाठन संचालन गरेको लुम्विनी माध्यामिक विद्यालयका प्राचार्य हुमनाथ सुबेदीले जानकारी दिनुभयो ।
विहान घरको काम सकेर आफ्ना नानी,वावुहरुलाई विद्यालय पठाइसकेपछि विद्यालय जाने र विद्यालयबाट आफ्ना नानीवावु घर नर्फकिदै घरमै पुग्ने गरी पठनपाठन संचालनमा आएको हो।
