पुराण गुरुङ ,सुनवल । तमू साँस्कृतिक प्रतिष्ठान नेपालले नवलपरासी, नवलपुर र रुपन्देहीका १३ जना विद्यार्थीहरुलाई छात्रवृति प्रदान गरेको छ । प्रतिष्ठानले शनिवार सुनवलमा एक कार्यक्रमका विच तिन जिल्लाका विद्यार्थीलाई जनही ८ हजारका दरले छात्रवृति प्रदान गरेको हो ।
२०७६ सालमा छनौटमा परेका ६ जनाले चौथोपटक र २०८० सालका नवलपुरको भानुदय नमुना मा वि दुम्किबासकी आस्थिका गुरुङ र सुवास गुरुङ, नवलपरासी सुनवलको लुम्बिनी माविकी एलिजा गुरुङ, भगवती माविकी विन्दु गुरुङ, ज्योति मा वि का किस्मत गुरुङ र रुपन्देही देवदह, भविष्य निर्माण मावि की प्रीति गुरुङ, र कालिका मानवज्ञान मा वि, बुटवलकी सर्भी गुरुङले छात्रवृति प्राप्त गरेका छन् ।
ति विद्यार्थीहरुले कक्षा ९-१२ सम्म अध्ययन गर्दै जाँदा ४ वर्षसम्म छात्रवृति प्राप्त गर्नेछन् । छात्रवृति कार्यक्रम यस क्षेत्रमा चौथो पटकको कार्यक्रम हो ।
तमुस्यो ह्युल छोंज धीं गुरुङ महिला राष्ट्रिय परिषद नवलपरासीका अध्यक्ष सीता त्होर्जे तमूको अध्यक्षता तथा तमू ह्युल छोंज धीं केन्द्रीय सल्लाहकार ठाकुरजङ्ग म्होब्छैं तमूको प्रमुख आतिथ्यतामा सम्पन्न कार्यक्रममा विशेष अतिथिहरु तमू ह्युल छोंज धीं केन्द्रीय सदस्य मिलन तमू, तमू प्ये ल्हु संघका केन्द्रीय उपाध्यक्ष देवी बहादुर प्हच्यु तमू, नेपाल तमू (गुरुङ) विद्यार्थी छोंज धीँका केन्द्रीय महिला विभाग प्रमुख सोमिया तमू, तमू प्ये ल्हु संघका लुम्बिनी प्रदेश अध्यक्ष तेज बहादुर तमू, लुम्बिनी मा वि, सुनवलका अध्यक्ष गंगाबहादुर गुरुङ, ज्योति मा वि सुनवलका शिक्षक केशव अधिकारी, भगवती माविका शिक्षाक मुनाल गुरुङ्ग, भानुदय मावि नवलपुरका शिक्षक मदन गुरुङ्ग, विद्यार्थी प्रश्ना गुरुङ, अभिभावक धनबहादुर गुरुङ लगायतले तमू आफ्नो प्रतिष्ठान प्रतिको प्रोत्साहन, सहयोग गरेको कार्यमा सकारात्मक प्रतिक्रिया व्यक्त गर्नुभएको थियो ।
संस्थाका आजीवन सदस्य तथा नवलपरासी/नवलपुरका छात्रवृति संयोजक पुराण गुरुङद्वारा संचालित कार्यक्रमको स्थानीय व्यवस्थापन तमू ह्युल छोंज धीं, तमुस्यो ह्युल छोंज धीं, नेपाल तमू विद्यार्थी छोंज धीं नवलपरासी र हर्दिया बनकट्टी इकाईले संयुक्त रुपमा गरेका थिए ।
