सुनवल । नवलपरासीको बर्दघाट नगरपालिका मातहत पशु विकास शाखाले ३ हजार गाँईलाई लम्पि स्किन विरुद्धको खोप लगाएको छ । नगरले ४ जना भ्याक्सिनेटर प्रयोग गरेर पशुहरुलाई खोप लगाएको हो । नगरले नगरबासीको घरमै पुगेर खोप लगाऊन अभियान नै चलाएको थियो । नगरको तथ्याङ्क अनुसार नगरमा ३ हजार दुहुनो गाई पालिएका छन ।
नेपालमा २०७७ सालको साउनमा मोरङमा पहिलो पटक यो रोग पुष्टि भएको थियो । त्यसपश्चात नेपालका ७ वटै प्रदेशका ७७ वटै जिल्लामा यो रोग फैलँदा दूध उत्पादनमा ठूलो मात्रामा ह्रास आएको छ । अहिले देशको ७७ वटै जिल्लामा लम्पी स्किन रोगले गर्दा करिब ११ लाख गाई भैंसी संक्रमित भईसकेको त्यी मध्य ५० हजार भन्दा बढीको मृत्यु भईसकेको छ। सोही अनुरूप बर्दघाट नगरपालिकामा लम्पी स्किन रोगको संक्रमण दिन दिनै बढ्दो क्रममा रहेको थियो। देशमा यतिवेला लम्पि स्किनले किसान आहत भएका छन ।
नगरबासी किसानहरुलाई जतिछिटो सेवा प्रवाह गरि महामारीको रुपमा फैलन नदिई रोग नियन्त्रण गर्न नगरको पशुपंक्षि शाखालाई निर्देशन गरि परिचालन गरिएको र क्षति न्यूनिकरण गरिएको नगरप्रमुख शम्भुलाल श्रेष्ठले बताए ।
अहिले सम्म नगरपालिकामा करिब १५ सय गाई संक्रमित रहेपनि सक्रिय संक्रमित भने ११९ वटा गाई संक्रमित रहेका छन । त्यस्तै नगरमा हाल उपचारकै क्रममा १४ वटा गाईको मृत्यु भैसकेको छ। यसकारण पनि रोगको रोकथाम गर्न बर्दघाट नगरपालिकाले खोप कार्यक्रम जति सक्दो छिटो प्रभावकारी रुपमा सञ्चालनमा ल्याएको थियो।
खोप लगाएर सकिएपनि त्यसको जोखिम न्यूनिकरण गर्न अझैपनि नगरले पशु प्राविधिक टोलि गोठमै पुगेर सेवा प्रवाह गर्न परिचालन गरिएको बर्दघाट नगरपालिका पशुपक्षी विकास शाखा प्रमुख भरत लम्सालले बताए ।
नगरभित्र खोप लगाएर सकिय पनि अन्य स्वस्थ पशुहरुलाई पर्न सक्ने असर, दुध उत्पादनमा हुन सक्ने गिरावट लम्पि स्किनका कारण थप जोखिमा रहेका गाईहरुलाई निरन्तर निगरानि गर्नपर्ने हुदाँ आफु सहित प्राविधिक टोलि किसानको गोठ सम्म पुगेर परामर्श गरिरहेको पशु चिकित्सक डा। देवेन्द्र घिमिरेले बताए ।
