सुनवल । पश्चिम नवलपरासीको सुनवल स्थित सयपत्री साकोसका ब्यवस्थापक टिकाराम तिमल्सेना प्रदेशकै उत्कृष्ठ साकोस ब्यवस्थापक बन्न सफल भएका छन् । नेपाल बचत तथा ऋण केन्द्रिय सहकारी संघ (नेफ्स्कुन)ले सयपत्री साकोसका तिमल्सेनालाई गत आवको प्रदेश स्तरको उत्कृष्ठ साकोस ब्यवस्थापकको रुपमा घोषित गरेको हो ।
नेफ्स्कुनद्वारा आयोजित ३६ औं स्थापना दिवस समारोहमा तिमिल्सेना उत्कृष्ठ व्यवस्थापक घोषित भएका हुन । तिमल्सेनाले ब्यवस्थापन जिम्मेवारी लिएको नवलपरासी सुनवल चोकमा कार्यालय रहेको सयपत्री साकोस सुनवलको समेत उत्कृष्ठ सहकारीको रूपमा स्थापित रहेको छ ।
गत आव २०७९/०८०को मसान्तसम्म कुल ४४ करोड ३८ लाख २८ हजार २११ रुपैया वरावरको कुल सम्पत्ति र चार करोड २१ लाख ८८ हजार ७ सय रुपैया कुल शेयर पुजीँ रहेको यस सयपत्री साकोसमा ३२ सय ६४ जना शेयर सदस्य रहेका छन् । यस्तै सहकारीको वचत संकलन ३४ करोड ७६ लाख ५७ हजार ६३५ र कुल ऋण लगानी ३५ करोड १९ लाख १२ हजार ९३५ रहेको छ । संस्थागत कोष तर्फ २ अरव ६३ करोड ९३ हजार ८०६ , कर्जा जोखिम कोष तर्फ ५४ लाख, ४२ हजार ८७ रहेको छ ।
