पश्चिम नवलपरासी सुनवल -६ बिसासय स्थित जनकल्याण बहुउद्देश्यीय सहकारी सस्था लि.का जेष्ठ सदस्यहरुलाई २४ औं साधारणसभाका अवसरमा सम्मानित गरीएको छ ।
दयाराम भण्डारीको अध्यक्षता तथा सुनवल नगर प्रमुख बिमला अर्यालको प्रमुख आतिथ्यतामा सम्पन्न सहकारी सभामा सहकारीका ६ जना जेष्ठ सदस्यहरुलाई संस्थाले आज शनिवार सम्मान सम्मान गरेको हो।
प्रमुख अतिथि अर्यालले सम्मानित जेषठ सदस्यहरूलाइ सुभकामना दिदै एक सरकारीले १०० जना रोज़गारी सृजना गर्दै अगाडि बढाउनू पर्ने र यो अभियानमा नगरपालिका सदैव साथ रहने प्रतिबद्धता व्यक्त गरीन । सहकारीले सामुदायिक स्तरमा उत्पादनलाई जोड दिदै उत्पादनको ब्राण्ड स्थापना तर्फ़ अगाडि बढ्नुपर्नेमा जोड दिइन।
त्यसै कार्यक्रममा जिल्ला सहकारी संघ सचीव चण्डी प्रसाद पाण्डे, सुनवल वडा ६ का अध्यक्ष हिमलाल शर्मा चापागाईं , सस्थांका पुर्व अध्यक्ष थान प्रसाद गैह्रे, सल्लाहकार संयोजक रुक्मांगद बस्याल सल्लाहकार समिति सदस्य रमेश पौडेल ,सर्वानिङ्गण कृषि बचत तथा ॠण सहकारीका अध्यक्ष खगराज उपाध्याय लगायतले सुभकामना व्यक्त गरेका थिए ।
सस्थामा हाल १ हजार ८ सय ४१ सदस्य रहेको र करिब १३ करोड ५० लाख माथि पुगेको अध्यक्ष दयाराम भण्डारीले बताए।
त्यस्तै सस्थाले आर्थिक बर्ष ७९/०८० मा ४१ लाख ७३ हजार २ सय २७ शुद्ध नाफा गर्न सकेको सस्थाका कोषाध्यक्ष रमेशकुमार भुसालले जानकारी दिए । त्यस्तै लेखा सुपरिवेक्षण समितिको वार्शिक प्रतिवेदन लेखा संयोजक प्रेम नारायण भुसालले प्रस्तुत गरेका थिए । सस्थाले शैक्षिक क्षेत्र साथै विविध क्षेत्रमा उत्कृष्ट सेयर सदस्यका छोराछोरी र जेष्ठ नागरिकलाई नगद सहित सम्मान गरेको थियो । साधारणसभामा सेयर सदस्यले उत्पादन गरेका मह,ढाकाको कपडा ,बेल जुस लगायतको सामग्री प्रदर्शनी गरिएको थियो । लायन्स क्लब सुनवलको सहयोगमा नि:शुल्कसुगर चेकजाँच गरीएको थियो ।
सस्थाका उपाध्यक्ष पदम प्रसाद काफ्लेको स्वागत सगै सुरु भएको कार्यक्रमको संचालन ओम कान्त तिमिल्सिनाको रहेको थियो।
