सुनवल । नवलपरासी/सुनवल ४ स्थित मुलपानी सामुदायिक वन उपभोक्ता समुहले आज यो वर्षको रूख कटान सुरु गरेको छ ।
वैज्ञानिक वन व्यवस्थापन अन्र्तगत कटान अनुमति अनुसार मुलपानीले लट सिएस फोरको एफ फाईप प्लटबाट योजना बामोजिमको दोस्रो चरणको कटान सुरु गरेको हो ।
कटान शुभारम्भ कार्यक्रममा लुम्विनी प्रदेश वन मन्त्रालयका सचिव मोहन काफ्लेले र डिभिजन वन कार्यालय परासीका प्रमुख महेन्द्रराज वाग्ले ले संयुक्तरूपमा आराले रुख़ कटान गरि शुभारम्भ गर्नुभएको थियो ।
गत वर्ष गरिएको कटानको निरीक्षण गर्दै वन मन्त्रालयका सचिव मोहन काफ्लेले वनको आर्थिक व्यवस्थापन पक्ष पारदर्शिता हुनू पर्नेमा जोड़ दीदै व्यवस्थित तरिकाले कटान गरेमा कसैको उजुरीले केही नहुने र वन ऐन अनुसार काम गर्नु पर्ने सुझाव दिनु भयो ।
देशमा हाल भईरहेको काठको आयातलाई प्रतिस्थापन गरेर निर्यात गर्ने मुख्य उदेस्य रहेको भन्दै सचिव काफ्लेले सामुदायिक वनले स्थानीय सरकारसंग समन्वय गरेर बिकास निर्माण र सामाजिक काममा टेवा दिनुपर्ने बताउनुभयो।
कार्यक्रममा डिभिजन वन कार्यालय परासीका प्रमुख महेन्द्रराज वाग्ले, सुनवल वडा नं ४ का वडाध्यक्ष बालकृष्ण पंगेनी, सुनवल सवडिभिजन कार्यालयका प्रमुख मनोज न्यौपाने, महाकवि देवकोटा क्याम्पसका अध्यक्ष कृष्ण प्रसाद लामिछाने लगायतले शुभकामना मन्तव्य राख्नुभएको थियो ।
मुलपानी सामुदायिक वन उपभोक्ता समितिका अध्यक्ष यज्ञप्रसाद पाण्डेयले वनले सामाजिक उत्तरदायित्व अन्र्तगत गरेका कामहरुको विवरण प्रस्तुत गर्दै विपन्न तथा महिला लक्षित कार्यक्रमहरु सञ्चालन गरेको र आम उपभोक्ताका लागि आवश्यक पर्ने काठ दाउरा सरल र सहज तरिकाले वितरण गरिएपछि उपभोक्ताहरु लाभान्वित भएको बताउनुभयो । उहाले काठ विक्रिवाट भएको आम्दानी र खर्चको विवरण पेश गर्दै स्विकृत कार्ययोजना अनुसार कटान सुरु गरिएको र यस वर्ष पुर्नउत्पादनबाट २७० र ढलापडाबाट ३३ गरी ३०३ थान कटान गरिने जानकारी दिनुभयो ।
कार्यक्रममा डिभिजन वन कार्यालय परासीका वन अधिकृतहरु पूर्ण प्रसाद ढकाल, मोहन गजुरेल, लेखाअधिकृत गणेश मरासिनी, सुनवल सवडिभिजन कार्यालयका वन रेञ्जर जय प्रसाद यादव लगायत वन समुहका पदाधिकारी लगायत समूहका पदाधिकारी र सदस्यहरुको सहभागिता रहेको थियो ।
कार्यक्रम वन समुहका उपाध्यक्ष प्रभु लाल मौर्यको स्वागत तथा सचिव समिक्षा सिञ्जापतिको संचालनमा सम्पन्न भएको थियो ।
