सुनवल । नेपाल निर्माण तथा सम्वद्ध श्रमिक संघ(काउन) जिल्ला तदर्थ समिति नवलपरासीले एक दिने निशुल्क फिजियोथेरापी शिविर एवं शुभकामना आदानप्रदान कार्यक्रम सम्पन्न गरेको छ । नेपाल निर्माण तथा सम्वद्ध श्रमिक संघ जिल्ला तदर्थ समिति नवलपरासीका अध्यक्ष केशवनाथ कवरको अध्यक्षता एवं नेपाली कांग्रेस टे्रड युनियनका जिल्ला अध्यक्ष ज्ञानहरी अर्यालको प्रमुख आतिथ्यतामा कार्यक्रम सम्पन्न भएको हो ।
कार्यक्रमलाई सम्वोधन गर्दै प्रमुख अतिथि अर्यालले स्थानिय पालिकाहरुमा श्रमिकको पञ्जीकरण गर्ने र श्रमिकको क्षमता अभिवृद्धिका लागी टे्रड युनियनले अगुवाई गर्ने बताउनुभयो । साथै सम्पुणर् श्रमिकहरुलाई एकतावद्ध हुनुपर्नेमा जोड दिनुभयो ।
कार्यक्रममा काउन प्रदेश अध्यक्ष वावुराम चौधरी, काउन केन्द्रिय वरिष्ठ उपाध्यक्ष ओमप्रकाश चौधरी, काउन नगर अध्यक्ष दशरथ प्रसाद चौधरी , काउन सुनवल नगर संस्थापक अध्यक्ष धर्मागत चापाई, इलाका प्रहरी कार्यालय सुनवलका बरिष्ठ प्रहरी नायव निरक्षक राजेश भट्राई, सुनवल प्रेस क्लव अध्यक्ष रमेश भुसाल , नेल्टा प्रदेश सदस्य विमल ढकाल लागाएतले शुभकामना मन्तब्य ब्यक्त गर्नुभएको थियो ।
काउन जिल्ला उपाध्यक्ष हेप्पीनाथ कवरको स्वगत मन्तब्य रहेको कार्यक्रमको संचालन जिल्ला सचिव गोम बहादुर गुरुङले गर्नुभएको थियो ।
ओम फिजियोथेरापी सेन्टरको सहयोगमा संचालित १ दिने निशुल्क फिजियो थेरापीमा एक सय भन्दा वढिले निशुल्क फिजियोथेरापी सेवा लिएको बताउदै काउनले सिफारीस गरेका विरामीहरुलाई ३० प्रतिशत छुटमा सेवा उपलब्ध गराईने ओम फिजियोथेरापी सेन्टरका संचालक डा. ओम प्रकाश चौधरीले जानकारी दिनुभयो ।
