सुनवल / सुनवल जेसीजले बर्ष २०२५को नया नेतृत्व चयन गर्दै शनिवार १३औ अधिबेशन सम्पन्न गरेको छ ।
अधिबेशनले जेसी सुवर्णराज उपाध्यायको अध्यक्षतामा बर्ष २०२५का लागि सर्वसम्मत नेतृत्व चयन गरेको हो ।
वर्ष २०२५ को आगामी कार्यसमितिको कार्यकारीणी उपाध्यक्षमा क्रमशः जेसी आदर्श शर्मा पौडेल र जेसी प्रतिक खनाल चयन हुनु भएको छ भने उपाध्यक्ष पदमा क्रमशः जेसी हिमा भुषाल,जेसी सन्तोष पाण्डेय, जेसी मन्जु रेग्मी र जेसी सुरज सेन्चुरी चयन हुनु भएको प्रमुख निर्वाचन आयुक्त जीवन पौडेलले बताऊनु भयो । यसै गरी महासचिवमा जेसी लिला पाठक अर्याल र कोषाध्यक्षमा जेसी आर्यन पौडेल नव-निर्वाचित अध्यक्षद्वारा मनोनित हुनु भएको छ ।
कार्यक्रमको आरम्भमा भएको सुनवल जेसीजको १४ औं बार्षिक साधारण सभा सत्र अध्यक्ष जेसी सपना शर्माको अध्यक्षता र सुनवल उद्योग वाणिज्य संघका अध्यक्ष एवं जेसीजका पूर्व अध्यक्ष रमेश कर्मचार्यको प्रमुख आतिथ्यमा सम्पन्न भएको सुनवल जेसिजका पुर्ब अध्यक्ष उत्सब पौडेलले जानकारी दिनु भएको छ ।
