कात्तिक ११, नवलपरासी / नवलपरासीमा पालिका सरकारले नेपाली कांग्रेसका निम्ति निर्वाचन आचारसंहिताको चरम दुरुपयोग गरेको देखीएको छ । आशन्न निर्वाचनको महाकुम्भमा सरकारी गाडी र श्रोत प्रयोगमा निषेध गरिए पनि सरकारी गाडी प्रयोग गरेर निर्वाचन आचारसंहिताको चरम दुरुपयोग गरिएको हो । नवलपरासी निर्वाचन क्षेत्र नम्बर १ का नेपाली कांग्रेसको तर्फबाट उम्मेदवार उद्योगपति विनोद चौधरीको प्रचारप्रसारमा प्रतापुर गाउँपालिकाका को लु १ झ ३७० नम्बरको गाडी प्रयोग गरी निर्वाचन आचार संहिताको उच्छितो काड़ी चुनाब गतिबिधि को निम्ति समर्पित गरिएको पाइएको छ ।
निर्वाचन आचारसंहिता २०७९ को परिच्छेद ३ को दफा ५मा स्थानिय तह कार्यपालिकाका पदाधिकारीहरुले कुनै राजनितिक दल वा उम्मेदवारको पक्ष वा विपक्षमा प्रचार प्रसारमा संलग्न हुन नहुने ब्यवस्था उल्लेख गरिएको छ । सोही दफामा स्थानिय पदाधिकारीहरुले सरकारी स्रोत र साधनको प्रयोग गर्न नहुने पनि जनाइएको छ । त्यसो त, आचारसंहिता अनुसार कात्तिक १७ गतेसम्म निर्वाचन प्रचारप्रसार लगायत क्रियाकलापहरु गर्न नपाइने निर्वाचन आयोग नेपालले जारी गरेको निर्देशिकामाँ उल्लेख गरीएको छ ।
दलहरुले भने सरकारको आचारसहिताको भरपूर खिल्ली उड़ाउदै भेटघाटका नाममा निर्वाचन अभियान तिभ्ररूपमा सञ्चालन गरिरहादा नियमनकारी निकायको भने नागरिकहरुले टाढ़ा टाढा सम्म पनी अत्तो पत्तो नपाएको गुनासो गरेका छन ।
