भक्तपुर , एडु ब्रिज भक्तपुर शाखाले बेलायतको युनिभर्सिटी अफ वुल्भरह्याम्प्टनसँग सम्बन्धित “युनिभर्सिटी भिजिट” कार्यक्रम आयोजना गरी नेपाली विद्यार्थीहरूलाई प्रत्यक्ष जानकारी प्रदान गरेको छ।
कार्यक्रममा युनिभर्सिटीका तर्फबाट नेपाल तथा नर्थ इन्डियाकी असिस्टेन्ट रिजनल म्यानेजर राजिन्दर कौरले विश्वविद्यालयका कोर्सहरू, भर्ना प्रक्रिया तथा विद्यार्थी सहायतासम्बन्धी विस्तृत जानकारी दिएकी थिइन्। उनले अन्तर्राष्ट्रिय विद्यार्थीप्रति विश्वविद्यालयको प्रतिबद्धता उल्लेख गर्दै सही विषय छनोटको महत्वमा जोड दिएको बताइएको छ।
एडु ब्रिज भक्तपुर शाखा प्रशासन तथा वित्त प्रबन्धक शोभा कशजुले विश्वविद्यालयका प्रतिनिधिलाई धन्यवाद व्यक्त गर्दै यस्ता कार्यक्रमहरूले विद्यार्थी र विश्वविद्यालयबीच प्रत्यक्ष सम्बन्ध स्थापित गर्न महत्वपूर्ण भूमिका खेल्ने बताएकी थिइन्। उनले विद्यार्थीहरूको सक्रिय सहभागिताप्रति पनि आभार व्यक्त गरेकी थिइन्।
कार्यक्रममा विद्यार्थी, काउन्सेलर तथा शैक्षिक क्षेत्रका सरोकारवालाहरूको उपस्थिति रहेको थियो। सहभागीहरूले कार्यक्रमलाई उपयोगी र जानकारीमूलक भएको प्रतिक्रिया दिएका थिए।
कार्यक्रम उत्साहपूर्ण रूपमा सम्पन्न भएको थियो, जसले बेलायत अध्ययनप्रति नेपाली विद्यार्थीहरूको बढ्दो आकर्षणलाई प्रतिबिम्बित गरेको छ।
