नवलपरासी पश्चिम । कानून न्याय तथा संसदीय मामीला मन्त्री धुब्र बहादुर प्रधानले मुलुकमा रहेको अपुरो कानूनलाई समय सान्र्र्दभिक वनाउन नसक्दा केहि सत्ता सामिप्यका व्यक्तिहरु भ्रष्टाचारजन्य गतिविधिमा संलग्न भएको वताएका छन । मन्त्री प्रधानको गृहजिल्ला नवलपरासी सदरमुकामका संघसंस्थाहरुले गरेको स्वागतसम्मान कार्यक्रममा मन्त्री प्रधानले देशमा सुशासन , दण्डहिनताको अन्त्य र कतिपय विकास निमार्णको काममा समेत अहिले भन्दै विज्ञ सहितको अनुसन्धान र अध्ययनपछि नागरिक र सुसासन मैत्री कानुन निमार्णको काम गर्ने तर्फ सरकार साझेदारका विच साझा सहमति भइ सरकार वढेको वताएका छन् । मन्त्री बनेपछि गृह जिल्ला पश्चिम नवलपरासीका आएका मन्त्रीलाई रेडियो परासीको आतिथ्यतामा परासीमा आयोजित गरेको पत्रकार सम्मेलन तथा सम्मान कार्यक्रममा बोल्दै प्रधानले यस्तो वताएका हुन ।
नागरिक उन्मुक्ती पार्टीका संरक्षक रेशम चौधरीलाई रिहा गर्ने विषयवारे प्रसंगमा प्रष्ट पार्दै मन्त्री प्रधानले कुनै एक ब्यक्ति वा संस्थाको लागि मात्र लक्षित गरेर कानुन निमार्ण र संसोधन नहुने बताएका छन । नागरिक उन्मुक्ती पार्टीका संरक्षक चौधरीलाई रिहा गर्नका लागि सत्ता साझेदार दलहरुबीच सहमती भएको हो भन्ने पत्रकारको जिज्ञासामा मन्त्री प्रधानले सर्वदलिय सहमती र जनताले न्याय र कानुनी शासनको अनुभुती गर्ने गरी नयां कानुन र नितीगत योजना तर्जुमा हुने समेत बताएका हुन ।
कार्यक्रममा रामग्राम नगरपालिकाकी नगर उपप्रमुख सम्झना चौधरीले नेपालमा ठुलालाई चैन सानालाई ऐन भन्ने भनाई चरितार्थ भएको भान भएको भन्दै बाँझिएका कानूनले सेवाग्राहीलाई राहत भन्दा पनि आहत दिएको बताईन् । बाँझिएको कानूनले न त न्याय दिन सकेको छ न निकास नै यस्तो अवस्थामा कसरी कार्य सम्पादन गर्ने भन्ने विषयमा कानून मन्त्री समक्ष जनप्रतिनिधिले गुनासो राखेका छन । नेपाल बार एसोसिएसन जिल्ला समिति अध्यक्ष धन शर्माले कानूनले सहज निकास नदिदाँ सोझा जनता नै अन्यायमा परेका बताएका छन् । गृहजिल्ला आएका बखत कानूनका विषयमा गरिएको खुलासाले नेपालमा सिमित व्यक्तिले आफ्नो स्वार्थका लागि कानून बनाएर फाईदा लिएको प्रष्ट हुन्छ । यस्ता कानून सम्बन्धित विषयमा राज्य गम्भिर भएर लाग्नुपर्ने देखिन्छ ।
