सुनवल । पश्चिम नवलपरासीको सुनवलमा आज देखी दोश्रो औद्योगिक व्यापार मेला २०७९ सुरु भएको छ । ’कृषि, पर्यटन, उद्योग र व्यापार राष्ट्र निर्माणकोे बलियो आधार’ भन्ने मुल नाराका साथ उद्योग बाणिज्य संघ सुनवलको आयोजनामा सुरु भएको व्यापार मेलाको आज कानून न्याय तथा संसदीय मामीला मन्त्री धुब्र बहादुर प्रधानले उद्घाटन गर्नुभएको छ ।
मेलाको समुद्घाटन गर्दै मन्त्री प्रधानले उद्योगी व्यवसायीहरु समेत धरासयी भएको अवस्थालाई मध्यनजर गर्दै उद्योगीहरुको समस्या समाधानका लागि क्याविनेटमा छलफल भईरहेको मन्त्री प्रधानले बताउनुभयो । उहाले यस क्षेत्रको समग्र विकासका निम्ति अन्य मन्त्रालयसंग समेत छलफल परामर्श गरीरहेको बताउनुभयो ।
कार्यक्रममा प्रदेश सभा सदस्य खडक बस्नेतले यस क्षेत्रको भौतिक, समाजिक, शैक्षिक लगायत समग्र विकासमा आफु निरन्तर लागिरहने बताउनुभयो । सुनवल नगरपालिकाका नगर प्रमुख विमला अर्यालले समृद्ध सुनवल सुखी सुनवल वासी बनाउन नगर लागि रहेको बताउनुभयो । निवर्तमान नगरप्रमुख भिमबहादुर थापाले सुनवलको समग्र विकासलाई जोड दिदै औधोगिक ग्रामलाई अगाडी बढाउनुपर्ने अहिलेको आवश्यकता रहेको बताउनुभयो ।
नेकपा एमालेका जिल्ला उपाध्यक्ष डोलराज भण्डारीले सार्वजनिक कार्यक्रमहरुमा संस्थापक नगर प्रमुख जस्ता नामबाट सम्वोधन गर्नू लज्जासपद भएको भन्दै आयोजक प्रति खेद प्रकट गर्नुभयो ।
यस क्षेत्रका उद्योगी,व्यापार व्यवसाय,कृषिको प्रवद्र्धन गर्न र सुनवलको पहिचानका लागि मेलाको आयोजना गरीएको मेला आयोजक संस्था उद्योग वाणिज्य संघ सुनवलका अध्यक्ष रमेश कर्माचार्यले बताउनुभयो ।
आगामी माघ २२ गतेसम्म सञ्चालन हुने मेलामा नेपालका घरेलु साना, मझौला तथा ठूला उद्योगहरुका अतिरिक्त बिदेशका बस्तुहरु र पहाडी कृषिजन्य गरी १५० स्टल रहेका संघका वाणिज्य उपाध्यक्ष तथा मेला आर्थिक समिति संयोजक लेखनाथ खरेलले जानकारी दिनुभयो । उहाका अनुसार मेलामा १ लाख दर्शकले अवलोकन गर्ने र मेलाबाट करिव १० करोड वरावरको कारोबार गर्ने लक्ष्य राखिएको छ ।
