सुनवल ।पश्चिम नवलपरासीको सुनवल ३ किर्तिपुर १ मा अवस्थित माःटज मेमोरियल ईंग्लिश एकेडेमीको १९ औ साधारणसभा तथा अभिभाबक दिवस आज सम्पन्न भएको छ । विद्यालय सञ्चालक समितिका अध्यक्ष उमाकान्त उपाध्यायको अध्यक्षता तथा सुनवल वडा नं ३ का वडाध्यक्ष पविन गुरुङको प्रमुख आतिथ्यतामा भएको कार्यक्रममा वडाध्यक्ष गुरुङले गुणस्तरीय शिक्षा प्रदान गरेर भविष्य सुनिश्चित गर्न र सुनवलका शैक्षिक संस्थाको शैक्षिक अवस्था सुधार्न आफु लाग्ने बताउनुभयो ।
कार्यक्रममा जिसनका प्रदेश सचिव धनराज चापागाई, पुर्व वडाध्यक्ष कणर् बहादुर शेन, पुर्व सञ्चालक समिति अध्यक्ष थान प्रसाद गैरे, महाकवि देवकोटा क्याम्पसका अध्यक्ष कृष्ण प्रसाद लामिछाने, बिध्यार्थीहरु मेजि सिंह र बिपासा खनाल लगायतले शुभकामना मन्तव्य राख्नुभएको थियो ।
कार्याक्रममा प्रिन्सिपल थमन शेरचनले बिधालयको शैक्षिक प्रतिबेदन एव्ां आगामी बर्षको योजना प्रतिवेदन प्रस्तुत गर्नुभएको थियो । बिधालयाका शिक्षक बिनोद पौडेलको स्वागत मन्तव्य रहेको कार्यक्रमको सञ्चालन शिक्षिका आशा गुरुङले गर्नुभएको थियो । वि.सं.२०६० सालमा सहिद दिवसको दिन पारेर स्थापित यो बिधालयमा कक्षा १० सम्म अध्ययापन हुन्छ ।
