परासी। असोज १७
नवलपरासीको रामग्राम नगरपालिकामा हाल सम्मकै वुहत वहुप्रतिक्षित सडक पूर्वाधार आयोजना कार्यान्वयन सुरु भएको छ ।
आज नगरपालिकाको सभाहलमा नगर प्रमुख धनपत यादवको उपस्थितीमा प्रमुख प्रशासकिय अधिकृत मनोज अर्याल र निर्माण कम्पनी आशिष आर्शिवाद जेभिका प्रतिनिधि केशर कुमार वुढाथोकीले आयोजना कार्यान्वयन सम्झौता पत्रमा हस्ताक्षर गरेका छन् ।
विश्व वैकले नेपाल सरकारलाई गरेकोे ऋण सहयोगमा संघिय सरकारको अनुदान मार्फत निर्माण हुन लागेको पोखरापाली देखि घिनाहा चोक पण्डितपुर सडक गौतमवुद्ध सर्किटलाई महत्वपूर्ण टेवा पूग्ने ठानिएको आधुनिक सडकको लागत ईष्टिमेट करिव ६४ करोड रहेको छ ।
उक्त ठेक्का निर्माण कम्पनीले रु. ४१ करोड ८६ लाख २२ हजारमा १८ महिना भित्र सम्पन्न गर्ने गरि ठेक्का सम्झौता गरिएको हो ।
सम्झौता अनुसार पोखरापाली देखि घिनाहा चोक सम्म डबल लेनको २३ फिट चौडा ( गाडि गुड्ने भाग ) अस्फाल्ट प्रविधि पिचको साथमा नाली तथा फुटपाथ सहितको सडक निर्माण हुनेछ भने सडकको कुल चाैडाइ (अधिकार क्षेत्र ) ४१ फिट चौडा हुनेछ ।
खण्ड १ र खण्ड २ भाग गरि निर्माण सम्पन्न हुने सडक पोखरापाली देखि प०डीतपुर घिनाहा सम्म करिव पौने ६ किलोमिटर लामो सडक निर्माण हुने नगरपालिकाका ईन्जिनीयर माधव न्यौपानेले जानकारी दिए ।
यो निर्माणाधिन सडक अन्य पूर्वाधार निर्माणमा ढिलासुस्ती भए जस्तो हुन छुट नहुुने प्राविधिक प्रावधान भएका कारण सडक सम्झौताधवधि १८ महिना भित्रै सम्पन्न हुने आयोजना कन्सल्टयान्ट ईन्जिनीयरको दावि छ ।
यो सडक आयोजना सम्पन्न भए पछि विश्व शान्तीको केन्द्र भगवान गौतम वुद्धको मावली पवित्र पण्डितपुर क्षेत्रमा वुद्धमार्गीहरुको सहज आगमनले पर्यटन पर्वद्धनका कारण ऐतिहासिक परिर्वतन संगै यस क्षेत्रको वहुआयामिक विकासमा महत्वपूर्ण टेवा पुग्ने विश्वास लिईको नगर प्रमुख धनपत यादवको धारणा छ ।
