पश्चिम नवलपरासी । लघुबित्ति संस्थाले चर्को ब्याज असुली र फर्जी तमसुक बनाएर ऋणीलाई पीडित बनाएको भन्दै पश्चिम नवलपरासीमा लघुबित्तीय संस्था सर्घष समितिले विरोध प्रदर्शन गरेको छ ।लघु वित्तीय संंस्थाले जबरजस्ति सावां ब्याज तिर्न दबाव दिने, जग्गा रोक्का गरीदिने र नक्कली तमसुक बनाएर सर्वसाधारणलाई झुक्याउने गरेको भन्दै पीडितले आज सदरमुकाम परासीमा प्रदशर्न गरेको लघुवित्तीय सस्था सर्घष समितिका जिल्ला सदस्य मोती शर्माले बताए ।
सरकारी पक्षले पीडित पक्षको भन्दा बित्तिय संस्थाको भरपोषण गर्ने र सामुहिक ऋण तत्काल मिनाहा गर्न माग गरेका थिए । साथै देशभरका लघु वित्तिय संस्थाको नियमन गरेर अनियमितता गर्ने संस्था खारेज गर्नुपर्ने माग गरेका थिए । जिल्लामा करिब ४५ हजार ब्यक्तिले लघुबित्त बाट ऋण लिएका छन् । विभिन्न पाँचं बुदें माग राख्दै पीडितहरु आन्दोलित छन् ।
