सुनवल। पश्चिम नवलपरासीको सुनवल नगरपालिकाको वडा न. ६ विशासयको खेलमैदानमा सोमवार देखी सञ्चालन हुने प्रथम बिग बुद्ध कप खुल्ला नकआउट पुरुष फुटबल प्रतियोगिताको सम्पुर्ण तयारी पुरा भएको छ । सुनवल ६ स्थित खेल मैदानमा हुने खुल्ला पुरुष फुटवल प्रतियोगिताबारे जानकारी दिन आज पत्रकार सम्मेलन आयोजना गरी प्रतियोगिताको सम्पुर्ण तयारी पुरा भएको जानकारी गराइएको हो ।

कार्यक्रममा विग बुद्ध क्लबका अध्यक्ष एवं खेल संयोजक सन्जिव लामाले नवलपरासी र रुपन्देहीका ए डिभिजन क्लब सहित आयोजक समुहको ’रातो’ र ’निलो’ गरि १७ टिममा विदेशी खेलाडीको समेत सहभागी हुने जानकारी दिनुभयो । अध्यक्ष एवं खेल संयोजक लामाका अनुसार प्रतियोगिताको बिजेता समुहले १ लाख ५ हजार रुपैयाँ र उपबिजेता समुहले ६१ हजार ५ सय रुपैयाँ नगद प्राप्त गर्ने छन। प्रतियोगितामा प्रथम पुरस्कार सौजन्य विसासय सामुदायिक वन र दोश्रो पुरस्कार लुम्बिनी प्रदेश सभा सदस्य खडक बस्नेतले सौजन्य गर्नु भएको संयोजक लामाले बताउनुभयो ।
त्यस्तै उत्कृष्ट खेल प्रदर्शन गर्ने समूहलाई जनही ५÷५ हजारका दरले नगद पुरस्कार प्रदान गरिने छ भने उत्कृष्ट खेलाडी र उत्कृष्ट गोलकिपरले मेडल,प्रमाण पत्र र सोही रकम प्राप्त गर्ने छन। प्रतियोगिता सञ्चालनका लागि ६ लाख ५० हजार रुपैयाँ बराबरको खर्च हुने अनुमान गरिएको क्लबका कोषाध्यक्ष टेक बहादुर पुनले जानकारी दिनु भयो। फुटबल प्रतियोगिता सहित कार्यक्रम अवधिभर प्रत्येक दिन विविध खेलकुद कार्यक्रम सहित सांस्कृतिक कार्यक्रम हुने आयोजकले जनाएको छ।