सुनवल। सर्वाङ्गिण कृषि सहकारी संस्था लि. सुनवल १ नवलपरासीले आलु खेति प्रर्वद्धन कार्याक्रमको सार्वजनिक सुनुवाई कार्यक्रम सम्पन्न गरेको छ । आज शनिवार सुनवल ९ मा सहकारीका अध्यक्ष खगराज उपाध्यायको अध्यक्षता तथा सुनवल वडा नं ९ का वडाध्यक्ष विरवल चौधरीको प्रमुख आतिथ्यतामा सार्वजनिक सुनुवाई कार्यक्रम गरेको हो । सो अवसरमा सहकारीले सुनवल २ र ९ नं वडामा नगरपालिकासंग ५ विघा जग्गा भाडामा लिई त्यसमध्ये ४ विघा क्षेत्रफलमा आलु खेती गरेको सहकारीका अध्यक्ष उपाध्यायले जानकारी दिनुभयो । उहाका अनुसार कृषि ज्ञान केन्द्र नवलपरासीको करिव ३ लाख सहयोग र संस्थाको ४ लाख ३७ हजार लागतमा आलु खेती गरिएको हो । यो आलु खेती यस सहकारीको पहिलो प्रयास रहेको बताउदै अध्यक्ष उपाध्यायले कृषकको आर्कषण र उत्पादनलाई मध्यनजर गर्दै आगामी दिनमा आलु उत्पादनलाई निरन्तरता दिने बताउनुभयो । कार्यक्रममा सुनवल वडा नं ९ का वडाध्यक्ष चौधरीले आफ्नो वडामा आलु उत्पादनलाई सहकारीले अगाडी बढाएकोमा खुसी व्यक्त गर्दै नगरको कृषि प्रवद्र्धनका लागि पालिकामा आफुले पहल गर्ने बताउनुभयो । यस्तै सहकारीका सल्लाहकार कृष्णबन्दु अर्यालले कृषि सहकारीले आगामी दिनमा थप कृषि उत्पादनलाई विस्तार गर्दै जाने बताउनुभयो । सार्वजनिक सुनुवाईमा उठेका विभिन्न जिज्ञासाहरुको जवाफ सहकारीका अध्यक्ष उपाध्याय र वडा नं ९ का वडाध्यक्ष चौधरीले दिनुभएको थियो । कार्यक्रममा उपाध्यक्ष रुद्रनाथ लामिछानेको स्वागत र कोषाध्यक्ष हरि चापागाईको संचालन रहेको थियो ।