न्यूज फायर, नवलपरासी । खुल्ला सिमा नाकाको फाईदा उठाउदै तस्कर मार्फत नेपाल भित्रीएका अवैध माल सामान वा पशु चौपाया बरामद गरी प्रहरीले आवश्यक कारवाहीका लागि भन्सार कार्यालय पठाउने गर्छ ।
यता नवलपरासी पश्चिममा पनि भन्सार छली नेपाल भित्रीएका बरामद समाग्री आवश्यक कारवाहीका लागि भन्सार कार्यालय पुर्याईन्छ तर सिमा नाकामा नियन्त्रणमा लिईएको राष्ट्रिय जनावर गाईलाई भने भन्सार कार्यालय नपठाई गौ संरक्षण संस्थाको जिम्मा लगाइएको छ ।
प्रहरी कार्याललयले भन्सार कार्यालय नपठाई गाई संरक्षणका लागि भन्दै राष्ट्रिय गौ संरक्षण तथा अनुसन्धान केन्द्र नवलपरासीसंग समन्वय गरि जिम्मा दिएको छ । शनिवार राति सरावल पुर्नहामा स्थानीयवासीले गरेको सुचनाका आधारमा गोवरैया प्रहरीचौकीले नियन्त्रणमा लिएको १५ गाई र १ गोरु गरी १६ गाईबस्तु मध्ये ५ वटा गाई गाउलेलाई र बाकी गाई पालनव्यवस्थापनका लागि संस्थाको जिम्मा लगाएको गौ संरक्षण संस्थाका पदाधिकारी मदन पौडेलले जानकारी दिनुभयो ।
बर्दघाट ४ शाखा कार्यलय रहेको यस राष्ट्रिय गौ संरक्षण तथा अनुसन्धान केन्द्रमा हाल ९० गाई छन । संस्थासंग गौ पैरवी र संरक्षणका लागि आवश्यक स्रोत साधानको अभाव रहेको अध्यक्ष भुवन भुर्तेलले बताउनुभयो । उहाका अनुसार गौ व्यवस्थापनका लागि प्रत्येक पालिका संग आवश्यक सहयोग माग गरिएको छ । छाडा गाई बस्तुका सुरक्षित स्वास्थ्य र संरक्षण्का लागि लुम्विनी प्रदेशमा गौ वन र पालिकाहरुमा सामुदायिक गौशाला निर्माणमा माग गरिएको अध्यक्ष भुुर्तेलले बताउनुभयो ।
नेपालको राष्ट्रिय जनावर र हिंन्दु धर्मावलम्बीहरुले पुज्ने गाई आज भोली सडक मा यत्रतत्र अवस्थामा भेटिन्छन् । जसले किसानहरुको वालीनाली नष्ट गर्नूका साथै सडकमा दुर्घटनाको जोखिम पनि निम्याएको छ ।
यसरी छाडा पशुचौपायको व्यस्थापन गर्नु सरकारको कर्तव्य भएतापनि हाल सम्म नवलपरासीका कुनै पनि स्थानीय सरकारहरुले छाडा पशुचौपाया व्यवस्थापनको निति र विधि वनाएको देखिदैन ।
सर्वसाधारणले पनि आफ्ना गाईबस्तुहरु जथाभावि यत्रतत्र छाडी, विभिन्न शारिरीक मानसिक यातना दिनु जघन्य अपराध हो । सम्वन्धीत निकाय र नागरिकले छाडा पशुचौपायाको उचित व्यवस्थापनमा तत्काल कदम चाल्नु पर्ने गौसंरक्षण अभियानकर्मीले माग गरेका छन ।
