नवलपरासी । तमू ह्युल छोंज धीं गुरुङ राष्ट्रिय परिषद तथा तमुस्यो ह्युल छोंज धीं गुरुङ महिला राष्ट्रिय परिषद सुनवल इकाई समितिको सोह्रौं साधारण सभा तथा पाँचौ अधिवेशन संयुक्त रुपमा सुनवल-४, बुद्ध पार्कमा सम्पन्न भएको छ ।
सम्पन्न अधिवेसनबाट तिलप्रसाद तमूको अध्यक्षतामा ११ सदस्यीय तमू ह्युल छोंज धीं सुनवल इकाई समितिको नयाँ कार्यसमिति गठन भएको छ । जसको उपाध्यक्षमा श्याम तमू, सचीवमा खड्का बहादुर तमू, कोषाध्यक्षमा कृष्ण तमू, सहसचिवमा नन्दुप्रसाद तमू, सदस्यहरुमा मनोहर तमू, मिनमाया तमू, कौसुवा तमू, कुमारी तमू, थमन सिंह तमू र किसन तमू सर्वसम्मत रुपमा निर्वाचित हुनुभएको छ ।
त्यसैगरी निशा तमूको अध्यक्षतामा १५ सदस्यीय तमुस्यो ह्युल छोंज धीं गुरुङ महिला राष्ट्रिय परिषद् सर्वसम्मत चयन भएको छ । जसको उपाध्यक्षमा सुमित्रा तमू, सचिव आरती तमू, सहसचिव मन्जु घले, कोषाध्यक्ष देवी तमू , सहकोषाध्यक्ष पवित्र तमू, सदस्यहरुमा आशा तमू, यम कुमारी तमू, सन्त कुमारी तमू, दुर्पती तमू, वसन्ती तमू, देउमाया तमू, मिना तमू, साबित्रा तमू र मिना तमू चयन हुनुभएको छ ।
इकाई अध्यक्ष तिलप्रसाद तमूको अध्यक्षतामा सम्पन्न उद्धघाटन कार्यक्रममा प्रमुख अतिथि तमू ह्युल छोंज धींका केन्द्रीय सदस्य पुराण गुरुङ, बिशेष अतिथी केन्द्रीय सदस्य मिलन तमू, तमुस्यो ह्युल छोंज धीं केन्द्रीय अध्यक्ष टिचन तमू, केन्द्रीय सदस्य सीता त्होर्जे तमू, नेपाल तमू (गुरुङ) विद्यार्थी छोंज धींका केन्द्रीय सदस्य सोमिया तमू, नेपाल आदिवासी जनजाति महासंघ नवलपरासीका निवर्तमान वरिष्ठ उपाध्यक्ष चित्रबहादुर तमू, तमू ह्युल छोंज धीं नवलपरासीका अध्यक्ष ईन्द्र तमू, सचीव अमिता तमू, सदस्य गमबहादुर तमू, संस्थापक अध्यक्ष तेजबहादुर तमू, निवर्तमान वडाध्यक्ष वीरबहादुर तमू, हर्दिया वनकट्टी इकाईका अध्यक्ष रामप्रसाद तमू लगायतले तमू समुदायको शैक्षिक, साँस्कृतिक तथा सांगठनिक विकास र सशक्तीकरणमा जोड दिनुपर्ने कुरामा विचार राख्दै शुभकामना मन्तव्य व्यक्त गर्नुभएको थियो ।
कार्यक्रममा सुनवल-३, डा. सुमन गुरुङ र उहाँका बुवा रमबहादुर तमू तथा घनमाया तमू साथै नवलपरासीबाट प्रा वि तहको स्थायी शिक्षकमा एक नम्बरमा नाम निकाल्न सफल सुनवल इकाईकी पवित्रा तमूलाई समेत सम्मान गरिएको थियो । सोही अवसरमा संस्थाको भवन निर्माणकार्यमा सहयोग गर्ने चन्दादाताहरुलाई कदर पत्रले सम्मन गरिएको थियो ।
कार्यक्रममा निसा तमूको स्वागत मन्तव्य तथा संस्थाका सचीव खड्का बहादुर तमूको सन्चालनमा कार्यक्रम सम्पन्न भएको हो ।
२०६३ सालमा स्थापित संस्थाले सुनवल वडा नम्बर १, ४ र ६ मा बस्ने तमूहरुको साझा संस्थाको रुपमा तमू समुदाय माझ हरेक क्रियाकलापहरुमा निरन्तरता दिँदै आएको छ ।
