सुनवल । महाकवि देवकोटा क्याम्पस सुनवल नवलपरासीमा आज स्नातक चौथो वर्षका विद्यार्थीहरुलाई विदाई तथा शुभकामना कार्यक्रम सम्पन्न भएको छ । क्याम्पसको सभाहलमा आज एक कार्यक्रमका विच स्नातक चौथो वर्षको परिक्षा दिएर वसेका विद्मार्थीहरुलाइ आगामी शैक्षिक सफलताको कामना गर्दै मायाको चिनो सहित विदाई गरिएको हो ।
क्याम्पस प्रमुख नारायण प्रसाद ढकालको अध्यक्षता तथा सुनवल वडा नंम्बर ४ का वडा अध्यक्ष बाल कृष्ण पंगेनीको प्रमुख आतिथ्यतामा सम्पन्न कार्यक्रममा प्रमुख अतिथि पंगेनीले आफूहरुले निकै मिहिनेत गरेर क्याम्पसको स्थापना गरेको र विद्यार्थीहरु यस क्याम्पसमा भर्ना भएर क्याम्पसले सार्थकता पाएको भन्दै सम्पूणर् विद्यार्थीहरुलाई धन्यवाद दिनुभयो । साथै उहाँले गुरुहरु प्रेरणाका स्रोत भएको हुनाले गुरुको सम्मान गर्नु पर्ने विचार राख्नुभयो ।
कार्यक्रममा क्याम्पसका अध्यक्ष कृष्ण प्रसाद लामिछानेले विद्यार्थीहरुले शिक्षक र अभिभावक र अग्रजहरुको कदर गर्नुपर्ने भन्दै विद्यार्थीका अभिभावकहरुले काम गर्ने हौसला दिएको हुनाले काम गर्ने उर्जा मिलेको भन्दै क्याम्पस पनि देश कै नमुना क्याम्पस बन्दै गएको विचार व्यक्त गर्नुभयो ।
कार्यक्रममा शिक्षाशास्त्र संकायको तर्फबाट छात्रा मनिषा कुँवर र व्यवस्थापन संकायको तर्फबाट छात्र विनम भण्डारीले अनुभव मन्तव्य प्रस्तुत गर्नुभएको थियो । उक्त अवसरमा विद्यार्थीहरुले सांस्कृतिक नृत्य पनि प्रस्तुत गरेका थिए ।
कार्यक्रममा शिक्षक हरिदत्त शर्माको संचालन र दधिराम पौडेलको स्वागत मन्तव्य रहेको थियो ।
यसैविच आजै महाकवि देवकोटा क्याम्पस अन्तर्गत सेममेस्टर तर्फ बी.बी.ए./बी.आइ.सी.टि.इ. कार्यक्रममा अध्ययन गर्ने विद्यार्थीहरुको समूह क्रिएटिभ क्लवको आयोजनामा विद्यार्थीहरुलाई नवीनतम ज्ञान प्रदान गर्ने उद्धेश्यले हाजिरी जवाफ प्रतियोगिता सम्पन्न भएको छ ।
त्रिएटिभ क्लवका अध्यक्ष ब्रिजेश भट्टराईको अध्यक्षता तथा क्याम्पस प्रमुख नारायण प्रसाद ढकालको प्रमुख आतिथ्यतामा सम्पन्न प्रतियोगितामा सात समूहको प्र्रतिस्पर्धा रहेको थियो । प्रतियोगितामा आदित्य क्षेत्रीको समूह डी प्रथम , अङ्किता शर्माको समूह बी द्वितीय र आशुतोष पाण्डेको समूह ई तृतीय भएका थिए ।
विजेता समूहलाई प्रमुख अतिथि क्याम्पस प्रमुख ढकाल र सभाध्यक्ष भट्टराईले मेडल तथा प्रमाणपत्र प्रदान गर्नु भएको थियो ।
उक्त प्रतियोगितामा बी.बी.ए चौथो सेमेस्टरमा अध्ययनरत छात्रा समिक्षा गैरेको संचालन र क्लवकी सदस्य शिक्षा भट्टराईको स्वागत मन्तव्य रहेको थियो ।
