परासी । पश्चिम नवलपरासीको रामग्राम नगरपालिका-१० मन्झरियास्थित हुलाकी सडकमा सवारी दुर्घटना हुँदा एक जनाको मृत्यु भएको छ । दुर्घटनामा अन्य दुई जना घाइते भएका छन् । रामग्राम नगरपालिका-१६ का ३३ वर्षका केशवप्रसाद यादवको उपचारका क्रममा मृत्यु भएको जिल्ला प्रहरी कार्यालय पश्चिम नवलपरासीका सूचना अधिकारी डीएसपी भोजराज पाण्डेले जानकारी दिनुभयो ।
पूर्वबाट पश्चिमतर्फ जाँदै गरेको लु ७० प ४०५४ नम्बरको मोटरसाइकललाई लु १ च ६७९९ नम्बरको पिकअप भ्यानले ठक्कर दिँदा दुर्घटना भएको हो । घाइतेमध्ये नेमनारायण चौधरीको अवस्था गम्भीर भएकाले उपचारका लागि काठमाडौं रिफर गरिएको छ ।
इन्दल चौधरीको भैरहवा मेडिकल कलेजमा उपचार भइरहेको प्रहरीले जनाएको छ । मोटरसाइकलमा तीन जना सवार रहेको र ठक्कर दिने सवारी र चालकलाई भुमहीबाट नियन्त्रणमा लिइएको छ ।
