सुनवल। यसअघि भाडाको घरवाट सेवा प्रवाह गर्दै आएको पश्चिम नवलपरासीको सुनवल नगरपालिका वडा नं. १३ वडा कार्यालयले आज सोमवारदेखी आफ्नै नवनिर्मित प्रशासकीय भवनबाट सेवा प्रवाह सुरु गरेको छ । आज सोमवार सुनवल नगर प्रवक्ता एव वडा नम्बर-१३ का वडा अध्यक्ष कृष्ण प्रसाद बगालेको अध्यक्षता एवं नगरप्रमुख बिमला अर्यालको प्रमुख आतिथ्यतामा एक कार्यक्रमका विच भवनको उद्घाटन गरिएको छ ।
नवनिर्मित भवनको समुद्घाटन कार्यक्रममा बोल्दै नगर प्रमुख अर्यालले नगर प्रमुख अर्यालले स्वास्थ्य,शिक्षा र कृषिलाई प्राथमिकता दिएर अगाडि बढेको बताउनुभयो । नगर भित्रका आन्तरिक श्रोतको पहिचान गरि नगरलाई आत्मनिर्भर गराउन बढ्ने प्रतिबद्धता व्यक्त गर्दै नगर प्रमुख अर्यालले एक वडा एक उत्पादन गराउदै व्यवसायीमुखी नगर बासी बनाउने उद्देश्य रहेको बताउनुभयो ।
कार्यक्रममा विद्यालय व्यवस्थापन समिति संजाल सुनवल नगर अध्यक्ष सुर्य प्रसाद न्यौपाने, नेपाली कांग्रेस वडा सभापति सोभाखर पाण्डे, प्रमुख प्रशासकीय अधिकृत भक्तिराम मरासिनी लगायतले शुभकामना दिदै सेवा प्रवाहले जनतालाई सहज हुने विश्वास व्यक्त गर्नुभएको थियो ।
नगरको चालु आर्थिक वर्ष ०७९/०८० को नीति,कार्यक्रम तथा बजेट अन्तर्गत वडाको प्रशासकिय भवन निर्माण गरिएको हो। नवनिर्मित भवनको लागत ७२ लाख १ हजार ३८ रुपैयाँ १७ पैसा रहेको छ । यसअघि वडा कार्यालयले मासिक १५हजार दरले भाडाको घरबाट सेवा दिदै आएको थियोे।
कार्यक्रममा वडा-४ का वडा अध्यक्ष बालकृष्ण पंगेनी, १२ का वडा अध्यक्ष चुरामणी पौडेल दिपक लगायत स्थानीयको उपस्थित रहेकोे थियो। वडा सदस्य हुमा कुमारी बिकको स्वागत सगै सुरु भएको कार्यक्रमको संचालन पत्रकार बिकास अधिकारीले गर्नुभएको थियो ।
