सुनवल । प्याब्सन सुनवलको आयोजनामा एक दिवसिय अङ्ग्रेजी स्क्रयावल सहजिकरण तथा अभ्यास कार्यक्रम सम्पन्न भएको छ । सुनवल ४ स्थित सुनवल युनाईटेड इङ्गिलस वोर्डिङ सेकेन्डरी स्कुलमा सम्पन्न कार्यक्रममा प्याब्सन सुनवलका अध्यक्ष कृष्ण प्रसाद शर्माको अध्यक्षता तथा प्याब्सन लुम्विनी प्रदेश सचिव धनराज चापागाईको प्रमुख आतिथ्यता रहेको थियो ।
कार्यक्रममा सुनवल युनाईटेड स्कुलका अङ्ग्रेजी स्क्रयावलको अन्तराष्ट्रिय स्तरको खेलमा समेत सहभागि विद्यार्थी मिसन पंगेनीले अभ्यास कार्यक्रममा सहजिकरण गर्नुभएको प्याब्सन सचिव चोलाकान्त रेग्मीले जानकारी दिनुभयो । कार्यक्रममा सुनवल प्याव्सन अन्र्तगत रहेका विभिन्न विद्यालयका ४२ जना विद्यार्थीहरुको सहभागिता रहेको थियो । अङ्ग्रेजी स्क्रयावल अभ्यासले विद्यार्थीहरुको अंग्रेजी भाषाका शब्दहरु सृजना गर्ने क्षमताको विकास गर्ने बताईन्छ ।
प्याव्सन कोषाध्यक्ष नरिश्वर पौडेलको स्वगत मन्तव्य रहेको कार्यक्रममा प्याव्सन नवलपरासीका सल्लाहकार थमन शेरचन, प्याब्सन जिल्ला वरिष्ठ उपाध्यक्ष डम्मरबहादुर गुरुङ, प्याव्सन सुनवलका सल्लाहकार कृष्ण प्रसाद काफ्ले लगायतले शुभकामना मन्तव्य राख्नुभएको थियो ।
