सुनवल । औपचारिक शिक्षा संगै विद्यार्थीहरुलाई विभिन्न व्यवहारिक शिक्षा पनि आवश्यक पर्छ भनी सिद्धार्थ शिसु सदन सेकेण्डरी इङ्गिलस वोर्डिङ स्कुल, सुनवल ४ नवलपरासीले आज शुक्रवार सुक्खा रोटी वेल्ने बनाउने कार्यक्रम सम्पन्न गरेको छ । विद्यालयका कक्षा ७ देखी कक्षा ९ सम्मका विद्यार्थीहरुलाई सिप विकास कार्यक्रम अन्र्तगत सुक्खा रोटी वेल्ने बनाउने कार्यक्रम सञ्चालन गरिएको हो ।
साताको अन्तिम शुक्रवार गरिने विभिन्न अतिरिक्त क्रियाकलाप अन्र्तगत आज उक्त कार्यक्रम गरिएको विद्यालयका प्रिन्सिपल पदम चन्द ठकुरीले जानकारी दिनुभयो । वालवािलकाकाले आफ्नो घरमा हुदा आफ्नो नास्ता आफै बनाउन सकुन र परिवारलाई बनाएर दिन सकुन भन्ने उदेश्यले यो कार्यक्रम आयोजना गरिएको उहाले बताउनुभयो ।
उक्त कार्यक्रममा विद्यार्थीहरु निकै उत्साहित थिए । तिन कक्षा मध्ये उत्कृष्ठ सुक्खा रोटी बनाउनेलाई पुरस्कारको व्यवस्था गरिएको थियो । विद्यालयले शिक्षाको क्षेत्रमा मात्र नभएर पाक शिक्षामा पनि बच्चाहरुलाई अब्वल बनाउने उदेश्य रहेको प्रिन्सिपल ठकुरीले बताउनुभयो ।
