सुनवल । जिसन नवलपरासीको आयोजनामा सञ्चालित हाजिरी जवाफ प्रतियोगिता क्जि हन्ट सम्पन्न भएको छ । जिसन नवलपरासी अध्यक्ष डम्बर बहादुर गुरूङको अध्यक्षता तथा सुनवल नगरपालिकाकी नगरप्रमुख बिमला अर्यालको प्रमुख आतिथ्यता भएको कार्यक्रम बोल्दै नगर प्रमुख अर्यालले अतिरिक्त क्रियाकलापबाट बिद्यार्थीको क्षमता अभिबृद्वि हुने बताउनुभयो । उहाले अनुशासन निरन्तर रुपमा कृयशिल हुनुपर्ने जोड दिदै व्यक्तित्व बिकासका लागि यस्ता कार्यक्रम भइरहनु पर्ने बताउनुभयो ।
वरिष्ठ उपाध्यक्ष थमन शेरचनको स्वागत तथा सहसचिव बलिराम यादवको संचालन रहेको कार्यक्रममा कार्यक्रम संयोजक पदम चन्द ठकुरीले कार्यक्रमबारे प्रकाश पार्नुभएको थियो । प्रतियोगितामा २७ बिद्यालयको सहभागीता रहेको थियो । कार्यक्रममा सल्लाहकार ईन्द्र गुरूङ , यमबहादुर थापा, सन्तोष रौनियार , लगायतले आ आफ्ना भनाई राख्नुभएको थियो।
२७ बिद्यालयको सहभागीता रहेको प्रतियोगितामा न्यु लिटिल बुद्ध सेकेण्डरी स्कुल सुस्ता प्रथम, सिद्धार्थ सिसुसदन सेकेण्डरी स्कुल सुनवल दोस्रो , पाइनीर ईङ्गिलस बोर्डिङ्ग स्कुल सुनवल तेस्रो रे लिटिल स्टेप सेकेण्डरी स्कुल अरुणखोला सान्त्वना भएका छन् ।
