सुनवल/फागुन २४

शैक्षिक क्षेत्रमा नवलपरासीको प्रतिष्ठीत साकुरा मेमोरियल वोडिगं इगंलिस सेकेण्डरी स्कुलको पाचौं फुड फेस्टीबल तथा विविध पुस्तक प्रर्दशनी कार्यक्रम सम्पन्न भएको छ ।

विद्यालय व्यवस्थापन समितिका अध्यक्ष टिकाराम शर्माको अध्यक्षता र प्रो.हुमकान्त पाण्डेको प्रमुख आतिथ्यता संचालन भएको कार्यक्रममा प्रिन्सिपल सुमित पाठक, विद्यालयका शेयर सदस्यहरु, सुनवल प्याव्सनका पदाधिकारी लगायत विभिन्न विद्यालयका पिन्सीपल तथा अभिभावकहरुको उत्साहजन उपस्थितीले कार्यक्रम सोभायमान रहेको थियो ।
फुड फेस्टीबलको विशेष आर्कषणका रुपमा कक्षा ११ र १२ होटल म्याजेन्मेन्ट समुहका विद्यार्थीहरुले विद्यालय परिषरमा खानाका विविध परीकारहरुको स्टल राखी कार्यक्रमको गरिमा वढाएका थिए ।
कार्यक्रमको अर्को आकर्षणको रुपमा विश्व चर्चीत लेखकका ज्ञान वर्दका जिवन उपयोगी तथा प्रणाप्रदायक पुस्तकहरु प्रर्दशनी गरिएकोमा विद्यार्थीहरुले उत्सुकता राखी पूस्तक किनेका थिए ।

समारोहमा शैक्षिक सत्र २०७९को नतिजा अनुसार प्रत्येक कक्षामा उत्कृट प्रथम दृतिय र तृतिय उपाधि प्राप्त गर्न सफल विद्यार्थीह्ररूलाई पुरस्कार वितरण गरिएको थियो । यसै अवधिमा विद्यालयमा आयोजना गरिएका विविध खेलकुद लगायतका अतिरिक्त कृयाकलापहरुमा अव्वल स्थान प्राप्त गर्ने विद्यार्थीहरुलाई पदक सहित पुरस्कारले हौसला वढार्ईएको थियो ।
०७९ सालमा संचालीत १२ कक्षाको वोर्ड परिक्षामा विज्ञान संकाय तर्फ प्रथम हुन सफल छात्र अनिस भर र व्यवस्थापन समुह तर्फ़ प्रथम हुन सफल छात्रा झरना रानालाई १०—१० नगद सहित सम्मान गरिएको थियो । यसै क्रममा जिल्ला दृतिय हुन सफल छात्र राकेश यादवलाई नगद ५ हजार सहित सम्मान गरिएको थियो ।

विद्यालयले आयोजना गरेको महिला अभिभावकहरुको फुडसल खेल तथा रिले दौड प्रतियोगितामा प्रथम दृतिय हुन सफल अभिभावक समुहलाई क्रमस ७ हजार र ३ हजार पुरस्कार प्रदान गरिएको थियो ।
गरिमामय पुरस्कार र सम्मान प्रदान कार्यक्रममां प्रिन्सीपल सुमित पाठकले स्वागत गर्नु भएको थियो भने विद्यार्थीहरुको विविध सास्कृतीक कला प्रस्तुतीहरुले रौनकता प्रदान गरेको थियो । विद्यालयका छात्रा आयुषा वस्याल र छात्र उत्कृष्ट पाण्डेको संयुक्त रुपमा सास्कृतीक कार्यक्रम सत्र संचालनको वेजोड प्रस्तुतीले माहोल उत्साहित वनेको देखिन्थ्यो भने विद्यालयका प्लसटु संयोजक चिरन्जीवी वस्यालले विशेष प्रेरणा थप्नु भएको थियो ।

कार्यक्रममा विद्यालयलाई उत्कृष्ट नतिजा प्राप्तीमा प्राप्ती गर्दै उत्कृटताको मार्ग उन्मुख गराउन अहोरात्र खटिनुभएका प्लस टु तर्फका शिक्षकहरुलाई विद्यालयले विषेश सम्मान समेत गरेको प्रिन्सीपल सुमित पाठकले वताउनु भयो ।