समाजिक सेवा समुह फाउण्डेशन नेपाल देवदह प्यानल समाज परिवर्तनको सम्बाहकले विद्यालयको व्यवस्थापन समितिका अध्यक्षको प्रमुख आतिथ्यतामा ज्ञान ज्योति मा.विका कक्षा ३ देखी ८ कक्षा सम्मका ३० जना विद्यार्थीलाई सामाग्री वितरण गरेको हो । उत्त कार्यक्रममा सोही विद्यालय व्यवस्थापनका अध्यक्ष तथा प्रमुख अतिथि नवराज बुढाथोकीले यस स्कुल रोज्नुलाई सम्बाहकका सम्पुर्ण टिमलाई धन्यावाद दिनु भयो । सोही कार्यक्रममा स्वागत मन्तव्य सहित विद्यालय व्यवस्थापन समितिका सदस्य मिन रानाले देवदह मात्र नभै देश भरिनै गरेको यस्तो सहयोगले विद्यार्थीलाई मात्र नभइ अभिभावक सम्मलाई सहयोग पुग्ने बताउनु भयो ।
उक्त कार्यक्रममा विद्यालयका प्राध्यानाध्यापक गोविन्द तिवारीले शैक्षिक सामाग्रीे वितरणले विद्यार्थीको मनबल बढ्नुको साथै शिक्षामा सहयोग पुग्ने बताउनु भयो । उक्त कार्यक्रमको बारेमा सम्बाहकको अध्यक्ष पवन केसीले सहयोगका लागि कलेज पढ्दै गरेका युवा विद्यार्थीहरुले आफुहरुले नास्ता नखाइ पानी पुरी चटपट बेचेर सहयोग संकलन गरी विभिन्न विद्यालयमा सहयोग गरेको अध्यक्ष केसीले स्पष्ट पार्नु भएको थियो । कार्यक्रममा बुटवलका कोषाध्यक्ष विमल पन्थी, देवदहका उपाध्यक्ष ज्योति थापा र सदस्य सुशिला भण्डारीले बोल्नु भएको थियो । पवन केसीको अध्यक्षता र सचिव अभिषेक सुनारको सञ्चालनमा कार्यक्रम सम्पन्न भएको हो ।
