परासी, १७ चैत

भूमि समस्या समाधान आयोगका केन्द्रीय अध्यक्ष हरिप्रसाद रिजालले आगामी तीन वर्षभित्रमा भूमिहीन सुकुम्बासी र अब्यवस्थित बसोबासीको समस्या पुर्ण रूपमा समाधान हुने बताएका छन ।

भूमि समस्या समाधान आयोग पश्चिम नवलपरासीले आज परासीमा आयोजना गरेको अभिमुखीकरण कार्यक्रमलाईसम्बोधन गर्दै अध्यक्ष रिजालले आयोगले आगामी २०८४ असोज मसान्त भित्र नेपालमा रहेका सबै भूमिहीन दलित, सुकुम्बासी तथा अव्यवस्थित बसोबासीलाई जग्गाधनी पूर्जा वितरण गरिसक्ने गरि कार्ययोजनालाई पच्छाएर अघिबढेको बताएका हुन।

संविधानमा गरिएको व्यवस्था अनुसार नै सबै भूमिहीन र सुकुम्बासीलाई जग्गाको मालिक बनाउने बताऊदै अध्यक्षरिजालले सक्रियताका साथ प्रभावकारी रुपमा आयोगको कामलाई अघि बढाउन आयोगको जिल्ला समितिलाईनिर्देशन समेत दिए।

रिजालले स्थानीय तह र जिल्ला आयोगले सक्रियतापूर्वक काम गरेको खण्डमा मात्र आयोगको काम प्रभावकारी हुने रतोकिएको समय भित्रै भूमिहीनलाई जग्गाको मालिक बनाउन सकिने उल्लेख गरेका छन ।

कार्यक्रममा आयोगका केन्द्रीय विज्ञ सदस्य डा.जगत बस्नेतले आयोगको कार्यविधि तथा कार्ययोजनाहरुको बारेमास्थानीय जनप्रतिनिधि, राजनीतिक दल तथा कर्मचारीहरुलाई अभिमुखीकरण गरेका थिए।i

आयोगका जिल्ला अध्यक्ष लालबहादु गुरुङको अध्यक्षतामा भएको उक्त कार्यक्रममा आयोगका केन्द्रीय सदस्यअनिलकृष्ण प्रसाईँ, जिल्ला समन्वय समिति नवलपरासीका प्रमुख भगौती यादव(रुदल), सुनवल नगरपालिकाकी मेयरबिमला अर्याल, नेपाली कांग्रेसका उपसभापति अनिल गौड, नेकपा एमालेका उपाध्यक्ष डोलराज भण्डारी, आयोगकाजिल्ला सदस्य थानप्रसाद गैरे, सदस्य सचिव कैलाशनाथ पाण्डे लगायतले भूमि समस्या समाधानका विषयमाआआफ्ना धारणा व्यक्त गरेका थिए ।