काठमाडौँ , बिज एजुकेशनले बेलायतमा अध्ययन गर्न जाने विद्यार्थीहरूका लागि प्रि–डेपार्चर सेसन २०२५ सफलतापूर्वक सम्पन्न गरेको छ। गठ्ठाघरस्थित जर्मन होम्स हस्पिटालिटीमा आयोजित कार्यक्रममा विद्यार्थी, अभिभावक र विशिष्ट अतिथिहरूको उल्लेखनीय उपस्थिति रहेको थियो।
कार्यक्रमको सुरुवातमा अतिथिहरूलाई आत्मीय स्वागत गरिँदै उत्साहजनक वातावरण सिर्जना गरिएको थियो। औपचारिक उद्घाटन सत्रमा चर्चित कलाकार तथा हास्यव्यंग्यकार जितु नेपाल (मुन्द्रे) र जुपिटर मिडियाका निर्देशक सुनिल आचार्यले संयुक्त रूपमा आतिथ्यता गरेका थिए। आचार्यले बिज एजुकेशन प्रेजेन्ट्स डेस्टिनेशन यूके टिभी सिरिज २ मार्फत बेलायतमा विद्यार्थीहरूका अध्ययन र बसोबासका आफ्ना प्रेरणादायी अनुभवहरू विद्यार्थीहरूसँग साझा गरेका थिए।
यसपछि बेलायत र नेपाल टिमको परिचय गराइयो, “स्टडी इन यूके” भिडियो प्रस्तुत गरियो र बेलायतमा अध्ययन गरिसकेका विद्यार्थीहरूको अनुभव समेटिएको भिडियो प्रदर्शन गरियो। बेलायत कार्यालय प्रमुख रेखा नेगी लामाले बेलायतमा शैक्षिक, सांस्कृतिक र व्यावहारिक तयारीका विषयमा विस्तृत प्रि–डेपार्चर प्रस्तुति दिएकी थिइन्।
कार्यक्रममा अन्तरक्रियात्मक प्रश्नोत्तर सत्र, मुण्ड्रे जितु नेपालको हास्य प्रस्तुति र आयोजक टिमको गीत प्रस्तुति पनि आकर्षणका रुपमा प्रस्तुत भए। अन्त्यमा बेलायत कार्यालयको विवरण साझेदारी, विद्यार्थीहरूबाट कन्सेन्ट फारम संकलन तथा विशेष ‘गुडिज’ वितरण गरियो। जलपान र भेटघाटसँगै कार्यक्रम सफलतापूर्वक सम्पन्न भयो, जसले विद्यार्थीहरूलाई बेलायत यात्राका लागि थप प्रेरणा र तयारी प्रदान गर्यो।
